មើលរូបរាងទស្សន៍ទាយរោគា
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ក្រុមអ្នកពិសោធន៍វិទ្យាល័យវេជ្ជសាស្ត្រនៃសាកលវិទ្យាល័យសាន់ឃ្យូ វ៉ានុយរបស់កូរ៉េខាងត្បូង បានធ្វើការពិសោធន៍លើស្ថិតិ និងទិន្នន័យខាងវិទ្យាសាស្ត្ររកឃើញថា បើគ្រាន់តែគេបានឃើញរូបរាងរបស់ នរណាម្នាក់នោះ គេអាចទស្សន៍ទាយបានថាម្នាក់នោះមានរោគអ្វីខ្លះ។
រូបរាងតឿទាប
រោគប្រចាំកាយ:
រោគក្រពះ រោគរលាកពោះវៀន។ ហេតុផល: ព្រោះមនុស្សដែលមានរាងតឿទាបនេះច្រើនតែឆ្លងរោគហាលីកូប៊េកទីពីឡូរីងាយបំផុត ហើយភាគច្រើនឆ្លងតាំងពីនៅវ័យកុមារ។ មេរោគប្រភេទនេះមានចំណែកធ្វើឱ្យរលាកក្រពះក្លាយទៅជា ដំបៅបានងាយជាងធម្មតា។ ក្រោយពេលមានមេរោគនេះហើយ ប្រព័ន្ធការបឺតស្រូបសារជាតិអាហាររបស់ អ្នកមានដំណើរការមិនល្អដែលជាហេតុធ្វើឱ្យរាងកាយមិនសូវលូតលាស់។ នេះជាមូលហេតុដែលធ្វើឱ្យរាង កាយតឿទាប។
ខ្លួនទាបជើងខ្លី
រោគប្រចាំកាយ:
រោគលើសឈាម ទឹកនោមផ្អែម។ ហេតុផល: ព្រោះមនុស្សមានជើងវែងភាគច្រើនជាក្មេងដែលទទួលបានសារជាតិអាហារគ្រប់គ្រាន់ ធ្វើឱ្យសរសៃឈាមរបស់គេមាំមួន ហើយទំហំខាងក្នុងសរសៃឈាមក៏មានលក្ខណៈរីកធំជាងមនុស្ស ដែលទទួលបានសារជាតិ អាហារមិនគ្រប់គ្រាន់។ ដូច្នេះឱកាសដែលធ្វើឱ្យសរសៃឈាមស្ទះក្លាយទៅជា រោគលើសឈាមកាន់តែថយចុះទៅតាមនោះផងដែរ។ បើតាមលទ្ធផលពិសោធន៍ពីប្រទេសអង់គ្លេសឱ្យដឹងបន្ថែមទៀតថា ប្រសិនបើជើងលូតវែង ៤,៣សង់ទីម៉ែត្រ អាចធ្វើឱ្យកើតរោគទឹកនោមផ្អែមធ្លាក់ចុះកាន់តែតិចរហូតដល់១៩ភាគរយឯណោះ។ ផ្ទុយទៅវិញប្រសិនបើមានជើងកាន់តែខ្លី គឺជាសញ្ញាប្រឈមនឹងរោគទឹកនោមផ្អែមកាន់តែខ្ពស់ទៅតាម នោះផងដែរ។
អ្នកមានម្រាមជើងម្រាមដៃវែងៗ
រោគប្រចាំកាយ:
រោគស្មារតីខ្សោយ ឬបញ្ហាសុខភាពផ្លូវចិត្តសោកសៅ។ ហេតុផល: កម្រិតអ័រម៉ូនស្ត្រីបុរស គឺជាអ្នកកំណត់ថា ម្រាមដៃខ្លី ឬក៏វែង ហើយអ័រម៉ូនភេទបុរស (តេស្តូស្តីរ៉ូន) ច្រើនតែមានម្រាមវែង តែវាបង្កើនឱកាស ឱ្យកើតរោគអ័រទិសទិកនិងរោគខ្សោយស្មារតីបានយ៉ាង ងាយ ដូច្នេះហើយទើបគេឃើញថា ក្មេងដែលកើតរោគអ័រទិសទិកភាគច្រើនជាក្មេងប្រុស។ ចំណែកអ្នកមានអ័រម៉ូនភេទស្រី(អេស្ត្រូចេន)ច្រើនក៏មានម្រាមវែងផងដែរ ហើយភាគច្រើនកើត រោគសោកសៅ ឬមានបញ្ហាខាងផ្លូវចិត្តបានកាន់តែងាយទៀតផង។នេះជាហេតុផលដែលធ្វើឱ្យស្ត្រីមាន សភាពទន់ជ្រាយស្រគត់ស្រគំជាងបុរស។ ទាំងអស់នេះបណ្តាលមកពីអ័រម៉ូនភេទស្រីនៅក្នុងខ្លួន។
បុរសមានរាងខ្ពស់
រោគប្រចាំកាយៈ
មហារីកក្រពេញពងស្វាស។ ហេតុផល: កម្ពស់រាងកាយដែលលូតឡើងខ្ពស់ចាប់ពី១០-១៦សង់ទីម៉ែត្រនោះនឹងធ្វើឱ្យប្រឈម កើតរោគមហារីកក្រពេញពងស្វាសរហូតដល់៦ភាគរយ។ នេះគឺជាលទ្ធផលសរុបដែលអ្នកពិសោធន៍ ទទួលបានពីការសិក្សាស្រាវជ្រាវពីក្រុមអ្នកស្ម័គ្រចិត្តអស់រយៈពេល១២ឆ្នាំមកហើយ។ មូលហេតុព្រោះមនុស្ស ដែលមានរាងកាយខ្ពស់មានអ័រម៉ូនដែលបំពេញតួនាទីជួសជុលរាងកាយច្រើន ជាងមនុស្សមានរាងទាប ហើយអ័រម៉ូនមួយនេះចៃដន្យឆាប់ចាប់បានកោសិកាមហារីកលឿនបំផុត។ ហេតុដូច្នេះប្រសិនបើមានរាងកាយ កាន់តែខ្ពស់កាន់តែមានឱកាសកើតរោគមហារីកក្រពេញពងស្វាសច្រើនទៅតាមនោះដែរ។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។