រំលងទៅមាតិកា

ជំនឿ និងទំនៀមផ្សេងៗ

ការទាយនិស្ស័យរបស់មនុស្ស តាមឥរិយាបថគេង

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

បើលោកអ្នកមានឱកាស អាចសង្កេតមើលឥរិយាបថ នៃការគេងរបស់មិត្តភក្តិ អ្នកអាចបញ្ជាក់ពីអត្តចរិតរបស់អ្នកនោះបាន។

គេងផ្ងារដៃទាំងពីរគងលើគ្នានៅលើក្បាល មនុស្សគេងក្នុងឥរិយាបថបែបនេះ ជាមនុស្សគួរឱ្យស្រឡាញ់ ព្រោះចេះយកចិត្តទុកដាក់ក្នុងរឿងក្រុមគ្រួសារ ថែមទាំងឆ្លាតវៃរកចំណេះដឹងមកថ្មីៗ ទុកក្នុងខ្លួនជានិច្ច។ ដោយហេតុនេះហើយ ទើបធ្វើឱ្យមនុស្សនេះឈានមុខគេ។ មនុស្សប្រភេទនេះ ច្រើនតែពិចារណាអំពីរឿងគូស្រករ។

គេងដាក់ដៃ និងជើងសណ្តូកចុះ ជាឥរិយាបថមួយទទួលបានសេចក្តីសុខបំផុត។ គេទាយដឹងបានថា មនុស្សប្រភេទនេះចូលចិត្តសេរីភាព និងមានជំនឿជឿជាក់លើខ្លួនឯងយ៉ាងខ្ពស់បំផុត។ ជាអ្នកយកចិត្តទុកដាក់ខ្លាំង អំពីរឿងសម្រស់ ហើយក៏ត្រូវការរឿងសប្បាយៗ ដោយមិនចាំបាច់គិតអ្វីផងដែរ។ គេពូកែរកប្រាក់ដោយមិនចាញ់អ្នកដទៃឡើយ។ អ្នកគេងដូចនេះ ជាមនុស្សមានចិត្តដឹងឮរឿងអ្នកដទៃ បើចំណុចឆ្លាតរបស់គេវិញនោះ បើជារឿងអាក្រក់វិញ គេចេះគេចយកតែរួចខ្លួន។ * គេងដាក់ជើងគងអន្ទាក់ខ្លា ឥរិយាបថបែបនេះអាចដឹងថា គឺជាមនុស្សគិតតែប្រយោជន៍ផ្ទាល់ខ្លួន ជាមនុស្សចូលចិត្តរស់នៅតែឯង តែចំណុចល្អវិញ គឺមានការអត់ធ្មត់បានយ៉ាងល្អគ្រប់រឿងទាំងអស់។

គេងដោយយកភួយគ្របជិតឈឹង តាមរូបភាពខាងក្រៅ ទោះមើលឃើញថា ជាមនុស្សគួរឱ្យរាប់អានក្តី តែការពិតនៅក្នុងជម្រៅចិត្ត មនុស្សមានការអៀនខ្មាសច្រើន និង ទន់ខ្សោយបំផុត។ នៅក្នុងអារម្មណ៍របស់មនុស្សជំពូកនេះពេញទៅដោយរឿងស្មុគស្មាញ ខ្វល់ខ្វាយ ថែមទាំងចូលចិត្តសន្សំរឿងនេះរឿងនោះជារឿងអាថ៌កំបាំងក្នុងជីវិត ជាការបង្កភាពរញ៉េរញ៉ៃ។

គេងយកដៃទាំងពីរដាក់ប្រឡោះភ្លៅ អាចចាត់ទុកថា ជាឥរិយាបថគេងមួយ ដែលមានលក្ខណៈចម្លែកក៏ថាបានដែរ។ បើឃើញមិត្តភក្តិរបស់អ្នកគេងក្នុងឥរិយាបថបែបនេះ ជាមនុស្សមានចំនង់ផ្លូវភេទខ្ពស់។ មនុស្សប្រភេទនេះ បើដាក់ចិត្តស្រឡាញ់នរណាម្នាក់ហើយ គឺស្រឡាញ់បាត់មុខមិនបាន។ គេជាមនុស្សមានចិត្តឆេវឆាវ តែក៏ងាយបាត់ទៅវិញដែរ។ ដូចនេះអ្នកដែលមានចំណង់ចំណូលចិត្ត រស់នៅជាមួយមនុស្សជំពូកនេះ គួរយល់ដឹងពីចំណុចសំខាន់មួយនេះសិន ទើបមានសេចក្តីសុខនឹងគ្នា។

គេងផ្កាប់មុខចុះ បើសិននេះជាឥរិយាបថ ធ្វើឱ្យមានអារម្មណ៍គេងលក់ស្រួលក្តី ប៉ុន្តែអ្នកចូលចិត្តគេងបែបនេះ ភាគច្រើនជាមនុស្សគិតតែប្រយោជន៍ផ្ទាល់ខ្លួន មានចិត្តចង្អៀត និងថែមទាំងចង់ឱ្យអ្នកដទៃ ធ្វើទៅតាមអ្វីដែលខ្លួនចង់បានទៀតផង។ គេជាមនុស្សគ្មានវិន័យនៅក្នុងខ្លួនទេ ធ្វើឱ្យមនុស្សដែលនៅជុំវិញគេ មានអារម្មណ៍មិនសប្បាយចិត្ត និងចង់នៅក្បែរ។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។