រំលងទៅមាតិកា

ជំនឿ និងទំនៀមផ្សេងៗ

អាហារពេលព្រឹកដឹងឧបនិស្ស័យមនុស្ស

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ជាធម្មតាមានមនុស្សភាគច្រើនណាស់ដែលនិយមស្រស់ស្រូបអាហារនៅពេលព្រឹក ដើម្បីសន្សំនូវថាមពលសម្រាប់ប្រើ ការក្នុងថ្ងៃថ្មី។ បើតាមការណែនាំរបស់ក្រុមអ្នកស្រាវជ្រាវរឿងអាហារបានណែនាំថា អាហារពេលព្រឹកនេះមានសារប្រយោជន៍ យ៉ាងសំខាន់ជាងគេ ក្នុងចំណោមអាហារចម្បងទាំងបីពេលរបស់មនុស្ស។ ក៏ប៉ុន្តែលោកអ្នកកុំភ្លេចថា ការទទួលទានអាហារពេល ព្រឹកនេះគេក៏អាចទស្សន៍ទាយដឹងពីឧបនិស្ស័យរបស់អ្នកបានដែរ។ ដើម្បីកុំឱ្យខាតពេលយើងនាំគ្នាទៅមើលថា អាហារពេលព្រឹក អាចបង្ហាញឱ្យឃើញពីអត្តចរិតរបស់លោកអ្នកបានដោយរបៀបណាខ្លះ ?

១- ចូលចិត្តកាហ្វេទឹកដោះគោ អូវ៉ាន់ទីននិងមីលឡូ ៘ រួមទាំងនំចាខ្វៃ ២-៣ ឬនំប៉័ងមួយដើម។ បើតាមរូបភាព អាហារទាំងអស់នេះអាចបញ្ជាក់បានថា លោកអ្នកជាមនុស្សចូលចិត្តនូវអ្វីដែលខ្លួងឯងមានស្រាប់ ឬអ្វីដែលមិនដូចគេឯងមាន គំនិតផ្ទាល់ខ្លួនតែមិនសូវពូកែវោហា តែពូកែខាងអនុវត្តច្រើនជាង។ ចំណុចនេះឯងវាបានបំប្លែងលោកអ្នកឱ្យក្លាយទៅជាមនុស្សម្នាក់ចចេសយ៉ាងស្ងៀមស្ងាត់នោះ ក៏ព្រោះអ្វីដែលមិនត្រូវ ចិត្តមិនខ្ចីនិយាយមិនខ្ចីប្រកែក តែបែរជាប្រឆាំងតាមទង្វើនេះ ជាប្រភេទមនុសដែលគួរឱ្យខ្លាចបំផុត។

២- ចូលចិត្តបបរសរ ឬបបរសាមចូក និងបបរគ្រឿង ក្រុមមនុស្សដែលមានចំណូលចិត្តទៅលើអាហារពេលព្រឹកខាង លើនេះសុទ្ធសឹងជាមនុស្សដែលសម្លឹងមើលពិភពលោកក្នុងផ្លូវល្អ។ ជាមនុស្សសម្បូរមិត្តភក្តិមានចិត្តសប្បុរសសន្តោសប្រណី ជាពិសេសមនុស្សប្រភេទនេះមិនងាយជឿទៅលើរឿងអាក្រក់ៗទៀតផង។ ផ្ទុយទៅវិញប្រសិនបើគេខូចចិត្តរឿងអ្វីមួយយ៉ាងធ្ងន់ធ្ងរឡើងមកនោះ មនុស្សនេះអាចនឹងឈានទៅរកការគិតខ្លីបាន។ ចំណុចនេះចាត់ទុកបានថា ជាផលដ៏អាក្រក់បំផុតសម្រាប់មនុស្សនេះ។

៣- ទទួលទានអាហារមួយចានធំឱ្យឆ្អែតតែម្តងអាចទស្សន៍ទាយបានថា ជាប្រភេទមនុស្សមានចិត្តក្តៅដូចភ្លើងចំបើង ប៉ះអ្វីតែបន្តិចនឹងឆាបឆេះឡើងភ្លាមៗ បានតែក៏ឆាប់រលត់ទៅវិញដែរ។ ជាមនុស្សមានលក្ខណៈពិសេសគួរឱ្យកោតសរសើរ ព្រោះ ប្រសិនបើដាក់ចិត្តស្រលាញ់នរណាម្នាក់ហើយ មនុស្សនេះរមែងរក្សាទឹកចិត្តបរិសុទ្ធទុកឱ្យជាដរាប។ ជាមនុស្សសម្បូរមិត្តភក្តិម្នាក់ ណារក្សាចិត្តបរិសុទ្ធបានដូចរូបគេអាចក្លាយទៅមិត្តស្លាប់រស់ក៏ថាបាន។ ផ្ទុយទៅវិញប្រសិនបើមិនស្មោះសទេនោះ នៅក្នុងជម្រៅចិត្តរបស់មនុស្សនេះនឹងកើតការប្រតិកម្មខុសគ្នាដូចមេឃ និងដី គឺរាល់ទង្វើល្អដែលគេសម្តែងចេញទៅនោះ មិនមែនជារូបភាពដែលផុសចេញពីបេះដូងដ៏បរិសុទ្ធរបស់មនុស្សនេះឡើយ។ បើពោលឱ្យចំ ជាប្រភេទមនុស្សដែលសម្បូរខាងទ្រឹស្តីហូរដូចទឹក តែការអនុវត្តន៍វិញគឺសូន្យឈឹងតែម្តង។

៤- មិនខ្ចីទទួលទានអ្វីទាំងអស់ទុកពោះដាក់អាហារថ្ងៃត្រង់ ជាក្រុមមនុស្ស មិនសូវសម្បូរមិត្តភក្តិ តែមិត្តដែលគេរក មកបានសុទ្ធតែមិត្តដែលគេរកមកបានសុទ្ធសឹងធានាបានថា ជាប្រភេទមនុស្សដែលអាចជឿទុកចិត្តស្ទើរតែទាំងអស់។ ជាមនុស្ស ដែលដាក់ចិត្តឈរខាងមិត្តភក្តិក្លៀវក្លាបំផុត។ មនុស្សនេះភាគច្រើនមានចរិតគិតអ្វីកាន់តែច្រើនកាន់តែលែងធ្វើសកម្មភាព ក៏ប៉ុន្តែ អាចសម្ងំលាន់ទុកគិតតែម្នាក់ឯង និងរឿងខូចខិលស្រីញីអូនបងក៏មិនអន់ប៉ុន្មានដែរ។ ពោលឱ្យចំៗមនុស្សនេះឱ្យតែឃើញអ្វីថ្មីក៏ល្អ សម្រាប់គេទាំងអស់តែក៏នៅមានចំណុចល្អម្យ៉ាង គឺគេហ៊ានក្លាហានលះបង់ គ្រប់បែបយ៉ាងដើម្បីស្នេហា។ ក៏ប៉ុន្តែគួរឱ្យសោកស្តាយត្រង់ថា មិនសូវមានរឿងស្នេហាឆ្លងកាត់ញឹកញាប់មកលើរូបគេតែបើបាន ឆ្លងកាត់ពិតមែនអាចជាស្នេហាពិតបរិសុទ្ធផូរផង់កម្ររកបានទៀតផង។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។