រំលងទៅមាតិកា

ហុងស៊ុយ

ហុងស៊ុយសម្រាប់បន្ទប់ទទួលភ្ញៀវ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

កន្លែងទទួលភ្ញៀវជាទីតាំងសំខាន់ដែលមានឥទ្ធិពលផ្ទាល់ទៅដល់ភាពមានបាន ក៏ដូចជាសុភមង្គលរបស់គ្រួសារ។

១.ទីតាំង បន្ទប់ទទួលភ្ញៀវត្រូវដាក់នៅកន្លែងដែលមានជញ្ជាំងជុំវិញតិចបំផុតពីរ, ចៀសវាង ប្រើប្រាស់បន្ទប់ស្ថិតនៅជ្រៅនៅក្នុងផ្ទះ។ បន្ទប់ទទួលភ្ញៀវមួយដែលសមស្រប ហុងស៊ុយនឹងជួយប្រភពថាមពលជីវិត និង ថាមពលទេពកោសល្យឲ្យដើរចូលក្នុងផ្ទះ ដោយមិនមានការរារាំង ឬ បាត់បង់ដោយសារត្រូវដើរ កាត់បណ្តាបន្ទប់ផ្សេងៗទៀត មុនពេលទៅដល់កន្លែងទទួលភ្ញៀវ។ ទីតាំងនេះ នៅធានាប្រភពថាមពលទាំងអស់ ខាងលើឲ្យនៅស្រស់ថ្មីនិងខ្លាំងក្លាជានិច្ច ដែលជួយឲ្យបន្ទប់ទទួលភ្ញៀវពោរពេញ ដោយភាពក្លៀវក្លា។ បន្ទប់ទទួលភ្ញៀវត្រូវមានគ្រប់គ្រាន់ពន្លឺ និងគ្រឿងសង្ហារឹមរៀបចំឲ្យបានសមស្រប។

២. ទំហំនិងគ្រឿងសង្ហារឹម មុនពេលសាងសង់ផ្ទះ ឬទិញផ្ទះថ្មី ម្ចាស់ផ្ទះត្រូវយកចិត្តទុកដាក់ដល់ទំហំរបស់បន្ទប់ ទទួលភ្ញៀវ។ បន្ទប់មួយដែលធំទូលាយសមស្របធ្វើជាកន្លែងជួបជុំសម្រាប់គ្រួសារ និងភ្ញៀវថ្មីបំផុត។ ពេលនោះ បណ្តាប្រភពថាមពលជំនួយនឹងមានឱកាសដើរចូលក្នុង បន្ទប់ និងរាលដាលទៅកាន់លំហជុំវិញ។ ចូររៀបចំគ្រឿងសង្ហារឹមបញ្ចៀសការច្របូកច្របល់ និងមិនត្រូវដាក់របស់របរច្រើនពេក ធ្វើឲ្យលំហបន្ទប់ចង្អៀតឡើយ។ បញ្ចៀសការដាក់គ្រឿងសង្ហារឹមពាំងផ្លូវដើរ ដែលធ្វើ ឲ្យប្រភពថាមពលល្អត្រូវ ឈប់ស្ងៀមលែងទៅមុខ។ ត្រូវដាក់ឈុតតុកៅអីបែរខ្នងទៅ រកជញ្ជាំង និងមិនត្រូវដាក់នៅកណ្តាលបន្ទប់ឡើយ ដើម្បីបញ្ចៀសអារម្មណ៍ខ្វះ សុវត្ថិភាពនៅចន្លោះខាងក្រោយខ្នង។ ក្រៅពីនេះអ្នកអាចបំពាក់គ្រាប់បាល់គ្រីស្តាល់ មួយនៅជាប់ពិតានបន្ទប់ទទួលភ្ញៀវ ដើម្បីធ្វើឲ្យសូន្យថាមពលអវិជ្ជមាន។ អ្នកត្រូវជ្រើសរើសពណ៌គ្រឿងសង្ហារឹមស្អាត និងមានភាពសុខដុមជាមួយពណ៌ជញ្ជាំង និងកម្រាលព្រំ។ អាចដាក់ថូផ្កាស្រស់ ឬគ្រឿងក្រអូប ដើម្បីឲ្យបន្ទប់បន្ថែមពណ៌ស្រស់ និងក្រអូប។ ដោយឡែកចំពោះគ្រឿងអេឡិចត្រូនិក ដូចជាទូរទស្សន៍, កុំព្យូទ័រនោះចូរ ដាក់វានៅទីតាំងដែលអ្នកចង់បន្ថែម ដូចជាទិសខាងជើង (ជំនួយអាជីព), ទិសខាងត្បូង (កិត្តិនាមនិងការទទួលស្គាល់)។

៣. រៀបចំគ្រឿងសង្ហារឹមតាមត្រីវិស័យហុងស៊ុយ ចំពោះទិសខាងជើង (តំណាងឲ្យថាមពលទឹក), ម្ចាស់ផ្ទះអាចព្យួររូបភាពទឹកជ្រោះ ឬ រូបភាពកូនទូកបែរក្បាលទៅខាងអ្នកមើល។ អ្នកអាចដាក់ផើងចិញ្ចឹមត្រីមួយ មាន ចិញ្ចឹមត្រីមាស៨ក្បាល និងត្រីខ្មៅ១ក្បាល, ដាក់ការលំហូរទឹកតូចមួយមានចរន្តទឹក ហូរទៅទិសបន្ទប់។ ការប្រើប្រាស់ពណ៌ធ្លះ និងខ្មៅ ជាចម្បងសម្រាប់គ្រឿងសង្ហារឹម នៅទិសនេះ ក៏ជាជម្រើសមួយដ៏សមស្របដែរ។ ចំពោះទិសខាងត្បូង(ថាមពលភ្លើង), ម្ចាស់ផ្ទះគួរដាក់ដើមទៀនធំស្អាតទាក់ភ្នែក, ប្រើប្រាស់គ្រឿង សង្ហារឹមធ្វើពីឈើ និងមានពណ៌ដូចជាក្រហម, ផ្កាឈូក, ស្បែក និង បៃតងចាស់។ ចំពោះទិសខាងកើត និងទិសអាគ្នេយ៍(ថាមពលឈើ, ដី), ម្ចាស់ផ្ទះត្រូវ ព្យួររូបគំនូរមានស៊ុមឈើ, កល់ទូដាក់សៀវភៅ ដោយឈើ, ប្រើប្រាស់ពណ៌បៃតងចាស់ និងពណ៌ត្នោតជាសំខាន់។ នៅទិសខាងលិច និងពាយ័ព្យ(ថាពលលោហ:), ម្ចាស់ផ្ទះត្រូវប្រើប្រាស់គ្រឿងសង្ហារឹម ធ្វើពីលោហ:ទាំងអស់ ដូចជាស៊ុមរូបថត, ជើងទម្រ និងប្រើប្រាស់ពណ៌ចម្បង ដូចជា សំរឹទ្ធ, ធ្លះ, លឿង, ប្រផេះ។ ចំពោះ ទិសឦសាននិងភាគនិរតី(ថាមពលដី), ម្ចាស់ផ្ទះ ត្រូវដាក់ត្បូងថ្ម, រ៉ែ, គ្រឿងព័រសឺឡែន ឬកែវ, គ្រីស្តាល់ និងប្រើប្រាស់ត្រាមពណ៌ ដូចជា ពណ៌ដីឥដ្ឋ, ត្នោតលឿង, ក្រហម។

៤. ប្រើប្រាស់និមិត្តសញ្ញាជំនួយភាពរុងរឿង ដើម្បីបង្កើនវិបុលភាព និងធ្វើឲ្យគ្រួសារមានបាន នៅលើតុទទួលភ្ញៀវ ម្ចាស់ផ្ទះអាច ដាក់វត្ថុ ដូចជាកាក់មាស ឬដុំជ្រលក់ពណ៌មាស, ដាក់រូបចម្លាក់ព្រះពុទ្ធនៅកន្លែង ឱឡារិក, ជៀសវាងដាក់លើកម្រាលឥដ្ឋ ឬខាងឆ្វេងបន្ទប់។ នៅផ្នែកខាងកើតរបស់ បន្ទប់ ត្រូវដាក់កាក់រុំដោយខ្សែបូពណ៌ក្រហម ឬ រូបចម្លាក់សត្វអណ្តើកក្បាលនាគខាំ ប្រាក់កាក់សម្លឹងមើលទៅក្នុងបន្ទប់ផ្នែកអាគ្នេយ៍។ ក្រៅពីនេះ អាចព្យួរផ្ទាំងគំនូរសត្វនាគនៅផ្នែកខាងកើត ឬដាក់រូបចម្លាក់សត្វដំរី ក៏នឹង នាំមកនូវ សំណាង និងជោគលាភដល់គ្រួសារដែរ។ នៅសងខាងទ្វារចេញចូលបន្ទប់ ទទួលភ្ញៀវ ចូរដាក់រូបសំណាកសត្វឆ្កែថែរក្សាផ្ទះម្ខាងមួយ។

៥. ការរចនាពន្លឺសមស្រប ប្រព័ន្ធភ្លើងអគ្គិសនី, ពន្លឺធម្មជាតិ និងវិធីប្រើប្រាស់ពន្លឺដើរតួនាទីយ៉ាងសំខាន់ក្នុងការ ទាក់ទាញប្រភពថាមពលល្អសម្រាប់បន្ទប់ទទួលភ្ញៀវ។ ម្ចាស់ផ្ទះត្រូវរៀបចំឲ្យសម្បូរ បែបនូវប្រភពពន្លឺ ដូចជាចង្កៀង លើតុ, ភ្លើងពិតាន, ភ្លើងជញ្ជាំង និងបង្អួចសមស្រប ដើម្បីបង្ហាញពន្លឺ និងបរិយាកាសធម្មជាតិ។ ប្រការ ដែលត្រូវយកចិត្តទុកដាក់ គឺត្រូវ បញ្ចៀស ឬបង្កឲ្យមានស្ថានភាពប្រភពថាមពលពពាក់ពពូន និងខ្វែង គំនិតគ្នាច្រើន ហួសកម្រិត។ គោលការណ៍បន្ទប់ទទួលភ្ញៀវសមស្របហុងស៊ុយសំខាន់គឺទិស, វិធីរៀបចំគ្រឿង សង្ហារឹមសមស្រប និងលើគេបង្អស់គឺបង្កើតចិត្តវិទ្យាសុខស្រួលសម្រាប់គ្រួសារ។ អាស្រ័យហេតុនេះ លំហក្នុងបន្ទប់ ទទួលភ្ញៀវថ្មីពិតជាកន្លែងជួបជុំដ៏សប្បាយរីករាយ និងពោរពេញដោយសំណើចក្អាកក្អាយរបស់គ្រួសារ មិត្តភក្តិ និងសាច់ញាតិ។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។