រំលងទៅមាតិកា

ហុងស៊ុយ

ហុងស៊ុយការិយាល័យផ្នែកលក់

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ការិយាល័យផ្នែកលក់ គឺជាបន្ទប់ដែលនាំមកនូវ គម្រោងយ៉ាងច្រើនសម្រាប់ក្រុមហ៊ុន។ នេះជាបន្ទប់មួយដែលសកម្មបំផុត ដោយសារមានសកម្មភាពនាំគម្រោងថ្មីៗ ជាច្រើន មកឲ្យក្រុមហ៊ុន។ អាស្រ័យហេតុនេះ ទីតាំងសម្រាប់ការិយាល័យផ្នែកលក់ក៏ត្រូវបាន ចាត់ទុកថាសំខាន់ដែរ។

ការិយាល័យផ្នែកលក់ ១. ការិយាល័យផ្នែកលក់ គឺជាកន្លែងប្រព្រឹត្តទៅនូវថាមវន្ត និងជាកន្លែងនាំប្រាក់មកឲ្យ ក្រុមហ៊ុន ឬ អាជីវកម្ម។ តាមសេវាអាជីវកម្មនោះ ផ្នែកខាងលិចប្រៀបជាមួយផ្ទៃអគារ គឺជាកន្លែងឆ្ពោះទៅរកជោគលាភ ដែលនាំមកនូវថាមវន្ត និងនាំមកនូវប្រាក់កាស ហេតុនេះការិយាល័យផ្នែកលក់គួរដាក់ នៅផ្នែកខាងលិច គឺសមស្របបំផុត។

២. ទីតាំងអង្គុយរបស់ប្រធានការិយាល័យផ្នែកលក់ គួរដាក់នៅត្រង់ជ្រុងខាងឆ្វេង ឬ ខាងស្តាំនៃជញ្ជាំងដែលឈមនឹងមាត់ទ្វារ(ប្រសិនបើទ្វារចូលនៅចំកណ្តាល) ឬដាក់នៅ ជ្រុងដែលមិនឈមនឹងទ្វារចូល (ប្រសិនបើទ្វារចូលនៅចំហៀង)។ កៅអីអង្គុយត្រូវបែរ មុខទៅរកជញ្ជាំងទ្វារចូល។

៣. បុគ្គលិកក្នុងការិយាល័យ: គួរបញ្ចៀសការអង្គុយបែរមុខទៅបន្ទប់អនាម័យ, កុំអង្គុយ ទល់មុខទ្វារ និងកុំអង្គុយនៅចំពីក្រោមធ្នឹមពិតាន។ គួរជ្រើសរើសទិសល្អ ប្រសិនបើ លក្ខខណ្ឌបន្ទប់ធ្វើការធំទូលាយ៕

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។