រំលងទៅមាតិកា

ហុងស៊ុយ

ហុងស៊ុយជាមួយតុតែងលម្អរកាយ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

លោកអ្នកអាចមិនបានឮកាលពីមុនមកពាក់ព័ន្ធជាមួយតុសម្រាប់តុបតែងលម្អរកាយដែលស្ត្រីប្រើប្រាស់ប្រចាំថ្ងៃនេះក៏ចាំបាច់ត្រូវតែចាត់ចែងដាក់ឲ្យបានសមរម្យដែរទើបអាចត្រូវតាមក្បួនខ្នាតហុងស៊ុយ។បើចង់ឲ្យការទុកដាក់បានត្រឹមត្រូវតាមក្បួនហុងស៊ុយដែលជាការជួយលើកដួងរាសីឲ្យកាន់តែប្រសើរឡើងលោកអ្នកអាចធ្វើការរៀបចំទុកដាក់ដូចខាងក្រោម:

- តុគ្រឿងលម្អរកាយគួរដាក់នៅទិសណាដែលល្អ តុដែលត្រូវប្រើជាប់ជាប្រចាំនេះត្រូវស្ថិតនៅទិសខាងណាមួយល្អដោយពេលដែល យើងអង្គុយតុបតែងមុខត្រូវបែរមុខទៅទិសដែលមានហុងស៊ុយ។ ការដាក់ចំទិសល្អនោះមានន័យទៅដល់ការនាំជោគសំណាងមកឲ្យតាំងតែពីព្រឹកព្រលឹមតែម្តង។ក្រៅពីនេះនៅពេលតុបតែងមុខឬរៀងរាល់ពេលតុបតែងរាងកាយនាំមកនូវគំនិតល្អៗនិងសេរីមង្គលទៀតផង។

- បន្តែមសិរីមង្គលនិងនាំជោគលាភមកឲ្យដោយការដាក់អំពូលភ្លើង ការដាក់អំពូលភ្លើងលើតុលម្អរកាយជាការជួយបន្ថែមសិរីមង្គលនិងនាំជោគលាភមកឲ្យខ្លួនយើងកាន់តែច្រើនឡើង។ការបន្ថែមអំពូលភ្លើងគេចាត់ទុកថាជាការបន្ថែម(ឡាងយ៉ាង)បន្ថែមធាតុភ្លើងពិសេសគ្រឿងតុបតែងលម្អរកាយស្ថិតនៅទិសខាងត្បូង ខាងលិចឆៀងត្បូងឬខាងកើតឆៀងខាងជើងព្រោះតែងជួយឲ្យបន្ទប់ដេកមានសិរីមង្គលនិងនាំជោគលាភ កាន់តែច្រើន។

- កុំដាក់កញ្ចក់បែរមុខទៅចំគ្រែដេក ព្រោះថាការដាក់កញ្ចក់តុគ្រឿងលម្អរកាយបែរទៅចំគ្រែដេកបង្កធ្វើឲ្យជីវិតប្តីប្រពន្ធតែងមានបញ្ហារកាំរកូសដោយសារអ្នកទី៣ចូលមកជ្រៀតជ្រែក។ត្រូវរើចេញពីកន្លែងនេះនិងបើគ្មានទិសសម្រាប់ដាក់ខុសពីនេះទេពេលចូលដំណេកឲ្យប្រើក្រណាត់គ្របកញ្ជក់ព្រោះអាចជួយបំបាត់ឧបទ្រពចង្រៃបានយ៉ាងល្អផងដែរ។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។