រំលងទៅមាតិកា

ជំនឿ និងទំនៀមផ្សេងៗ

ទាយនិស្ស័យស្ត្រីតាមការចូលចិត្តទទួលទានស៊ុត

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ស៊ុតស្ងោរ នារីដែលចូលចិត្តស៊ុតស្ងោរជាងគេបង្ហាញឱ្យឃើញថា អ្នកគឺជាមនុស្សដែលមានហេតុផលនៅក្នុង ការសម្រេចចិត្តចំពោះរឿងផ្សេងៗជាងការប្រើអារម្មណ៍។ ក្រៅពីនេះអ្នកគឺជាមនុស្សដែលមានការទទួលខុស ត្រូវនិងស៊ូទ្រាំមិនចាញ់នរណាឡើយ។ ដូច្នេះបើសិនជាអ្នកធ្វើការអ្វីម្យ៉ាងនោះអ្នកនឹងព្យាយាមធ្វើឱ្យទាល់តែ បានសម្រេច មិនទុកឱ្យនៅជាប់គាំងកណ្តាលទី មិនមែនព្រោះតែខ្លាចគេនិយាយនោះទេ ព្រោះដោយសារតែអ្នក មិនសប្បាយចិត្តដោយខ្លួនឯង។

ស៊ុតស្រុសទឹកក្តៅ នារីណាដែលចូលចិត្តទទួលទានស៊ុតស្រុសបញ្ជាក់ថា ជាមនុស្សសាមញ្ញៗ ធម្មតាមិនកំប៉ិកកំប៉ុក មិនរញ៉ាំរញ៉ូវច្រើន។ ដូច្នេះបើនរណាបាននៅក្បែរអ្នកនោះ ប្រាកដបានសប្បាយរីករាយមិនខាន។ ក្រៅពីនេះ អ្នកគឺជាមនុស្សដែលមានរបៀបរៀបរយណាស់ ហើយចូលចិត្តភាពអនាម័យ។ ចំណុចអវិជ្ជមានតែមួយគឺអ្នក ចូលចិត្តប្រើអារម្មណ៍ធ្វើការសម្រេចចិត្តជាជាងប្រើខួរក្បាលនិងមានចិត្តឆេវឆាវបន្តិច។

ស៊ុតចៀនគ្រឿង នារីដែលចូលចិត្តស៊ុតចៀនគ្រឿងជាងស៊ុតប្រភេទផ្សេងៗនោះបញ្ជាក់ថា អ្នកជាកំពូលអ្នកគិត អ្នករៀបចំផែនការ ទោះជាធ្វើកិច្ចការអ្វីក៏ដោយអ្នកតែងតែគិតហើយគិតទៀត ធ្វើគ្រប់យ៉ាងឱ្យទៅជាប្រព័ន្ធ ព្រោះអ្នកគឺជាមនុស្សគិតមុនធ្វើ ដែលនាំឱ្យអ្នកជឿជាក់ទៅលើសម្រេចចិត្តរបស់ខ្លួនឯងខ្លាំងរហូតដល់មាន ពេល ខ្លះភ្លេចទាំងស្តាប់យោបល់អ្នកដទៃទៀតផង។

ស៊ុតចៀនសាប បើនារីណាចូលចិត្តស៊ុតចៀនសាបបំផុតនោះបង្ហាឱ្យឃើញថា អ្នកជាមនុស្សដែលមានភាពប្រឹង ប្រែងទៅកាន់ទីខ្ពស់ រមែងមិនរង់ចាំឱ្យឱកាសរត់មករក ប៉ុន្តែព្យាយាមស្រវេស្រវារកឱកាសសម្រាប់ខ្លួនឯង។ ក្រៅពីនេះអ្នកគឺជាមនុស្សដែលចូលចិត្តការសាកល្បងថ្មីៗ និងជាមនុស្សដែលមានព្យាយាមបំផុត។

ស៊ុតញាត់ស្នូល បើអ្នកជាមនុស្សចូលចិត្តស៊ុតញាត់ស្នូលជាងគេបញ្ជាក់ថា អ្នកគឺជាមនុស្សដែលយកចិត្តទុក ដាក់ទៅលើភាពល្អិតល្អន់ផ្សេងៗដែលជួនកាលគឺជាចំណុចល្អ ប៉ុន្តែពេលខ្លះបើយកចិត្តទុកដាក់ពេកនឹងក្លាយ ទៅជាចំណុចអវិជ្ជមាន។ ក្រៅពីនេះអ្នកគឺជានារីដែលចូលចិត្តធ្វើដំណើរកម្សាន្តចូលចិត្តការផ្សងព្រេង ប៉ុន្តែមិន ស៊ូនឹងការលំបាកនោះទេ គឺគ្រាន់តែចូលចិត្តចេញទៅបើកភ្នែកមើលអ្វីៗដែលថ្មីនៅក្នុងជីវិតឱ្យបានច្រើន។

ស៊ុតឆៅ ចំពោះនារីដែលចូលចិត្តទទួលទានស៊ុតឆៅបង្ហាញឱ្យឃើញថា អ្នកគឺជាមនុស្សជឿជាក់លើខ្លួនឯង ចូលចិត្តជ្រើសរើសផ្លូវជីវិតដោយខ្លួនឯងមិនខ្វល់ទៅ លើការយល់ឃើញពីមនុស្សដែលនៅជុំវិញខ្លួនមិនខ្វល់នឹង ក្រសែភ្នែកអ្នកដទៃ ហើយក្នុងពេលជាមួយគ្នានោះដែរ អ្នកក៏ចូលចិត្តខ្វល់ខ្វាយជាមួយអ្នកដទៃផងដែរ អាច និយាយបានថា គឺអាចរស់នៅដោយខ្លួនឯងបានយ៉ាងស្រួល។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។