ដឹងឧបនិស្ស័យបុរសតាមញាំការ៉េម
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ជាការពិតការ៉េមមិនមែនកំណត់ទុកសម្រាប់តែស្ត្រីប៉ុណ្ណោះទេ តែបុរសក៏មានសិទ្ធិជាវត្ថុសំណព្វ ចិត្តបានដូចគ្នា។ ជាងនោះទៅទៀតមានអ្នកខ្លះជ្រើសរើសរសជាតិជាច្រើនបែបរបស់ការ៉េមទុកជាចំណី កំដរអារម្មណ៍ពេលធុញថប់ទៀតផង។ ប្រសិនបើអ្នកចង់ដឹងថា បុរសណាម្នាក់គេចំណូលចិត្តទៅលើ ប្រភេទការ៉េមណាមួយ ហើយមានអត្តចរិតដូចម្តេចនោះ សូមអានការទស្សន៍ទាយដូចខាងក្រោមនេះ: បុរសចូលចិត្តប្រភេទសាមញ្ញធម្មតាៗ ដូចជាស្ត្របប៊ីរីវានីលឡា ឬសូកូឡា អាចបញ្ជាក់បានថា ជាមនុស្សមានផែនការនៅក្នុងឆាកជីវិតមានគោលការណ៍ មានរបៀបវិន័យ ហើយច្រើនដើរតាមផ្លូវដែល គេបានគ្រោងទុកទៀតផង។ ប្រសិនបើគេចូលចិត្តរសជាតិស្ត្របប៊ឺរី តែម្យ៉ាងនោះមនុស្សនេះគេមាន ភាពស្មោះត្រង់ ចំពោះអារម្មណ៍ខ្លួនឯងជានិច្ច។ ជាមនុស្សមិនចេះលាក់លៀមមានចរិតដូចជាកូនក្មេងតែ មានភាពរ៉ូមេនទិកបំផុត។ ប្រសិនបើគេចូលចិត្តរសជាតិសូកូឡាវិញ្ញោនាះអាចបញ្ជាក់បានថា បុរសម្នាក់នេះចូលចិត្តរបស់ ប្លែកៗថ្មីៗ ហើយព្យាយាមរកវាមកបំពេញឱ្យជីវិតដោយមិនរាថយទៀតផង។ ជាពិសេសបុរសនេះ ពូកែរើសរហូតដល់ពេញចិត្តបំផុតទៀតផង។ បុរសចូលចិត្តការ៉េមរសជាតិប្លែកៗចេញថ្មីដូចជារសជាតិតម្រូវតាមពេលវេលានិងមិនចូល ចិត្តការ៉េមរសជាតិដដែលៗ ឬចូលចិត្តភ្លក្សរសជាតិ ប្រ៉ូម៉ូហ្សិនហាងនេះហាងនោះមិនរើសមុខនោះ ទោះបី មើលឃើញថា គេហាក់ដូចជាកំប៉ិកកំប៉ុកច្រើនមែនតែបុរសម្នាក់នេះមិនអាចចងចិត្តគេបានដែរ។ ជាមនុស្ស ចូលចិត្តផ្តួចផ្តើមស្រាវជ្រាវ មានភាពវៃឆ្លាតប៉ិនប្រសប់ និងសម្របខ្លួនចូលក្នុងស្ថានការណ៍ថ្មីៗបានដោយងាយ ព្រមទាំងចេះត្រៀមលក្ខណៈសម្បត្តិទទួលយកអ្វីដែលប្រែប្រួលទៀតផង។ បុរសចូលចិត្តការ៉េមបែបចាប់ឆាយ អាចពោលថា ទោះបីជាការ៉េមនោះមានទៅដោយរសជាតិ ចម្រុះដូចជាផ្អែមប្រែជូរ៘ យើងទស្សន៍ទាយបានថា បុរសមានចំណូលចិត្តទៅលើការ៉េមប្រភេទនេះ ទោះបីគេជាមនុស្សមានជម្រើស នៅក្នុងជីវិតក្តីមនុស្សនេះមិនចេះសម្រេចចិត្តថា គួរជ្រើសរើសយកផ្លូវណាល្អ ព្រោះនៅក្នុងខួរក្បាលរបស់គេពោរពេញទៅដោយភាពច្របូកច្របល់។ ជាបុរសដែលគ្មានភាពក្លាហានក្នុងការសម្រេចចិត្តទៅលើអ្វីមួយឱ្យដាច់ស្រេចបាន។ ទាំងអស់នេះ វាកើតចេញពីភាពភ័យខ្លាចលទ្ធផលក្នុងជម្រើសរបស់គេក្នុងការសម្រេចយក។ ដោយសារហេតុផលនេះ ហើយទើបបុរសប្រភេទនេះ ហាក់មានខ្សែជីវិតលិចអណ្តែតៗយ៉ាងណារកថាមិនត្រូវ។ បុរសចូលចិត្តទទួលទានការ៉េមមានរសជាតិដូចស្ត្រីនាងជ្រើសរើសទទួលទាននោះ អាចពោល បានថា ជាមនុស្សមានចរិតជាមនុស្សស្រីចូលចិត្តរឿងតុបតែងខ្លួន ចូលចិត្តអ្វីសម្រស់ស្រស់ស្អាត ហើយ ពេលគេលូកដៃទៅធ្វើអ្វីមួយរមែងមានរបៀបរៀបរយមិនខ្ជីខ្ជា ក៏ប៉ុន្តែគួរឱ្យសោកស្តាយ ព្រោះមនុស្សនេះមាន ចិត្តស្រាលជាងសំឡីទៅទៀត។ បុរសចូលចិត្តទទួលទានការ៉េមកំប៉ិកកំប៉ុកនៅតាមចិញ្ចើមផ្លូវ ឬទិញមួយដើមញាំតាមផ្លូវអាច បញ្ជាក់បានថា ជាបុរសមិនចូលចិត្តរបៀបរបបនៅក្នុងឆាកជីវិតនោះទេ។ជាមនុស្សស្រលាញ់ឥស្សរភាព ហើយក៏មិនសូវប្រកាន់ខ្ជាប់ទៅនឹងអ្វីមួយឱ្យជាក់លាក់ប៉ុន្មានដែរ។ អ្វីដែលជាចំណុចមិនល្អនោះបុរសម្នាក់នេះ មានចរិតឆាប់ធុញថប់ ហើយងាយប្រែប្រួលជាញឹកញាប់ទៀតផង។ បុរសចូលចិត្តការ៉េមកែវ ជាធម្មតាការ៉េមប្រភេទនេះរមែងមានកែវធំ ហើយបុរសចូលចិត្ត ការ៉េមប្រភេទនេះភាគច្រើនស្អប់ខ្ពើមការរស់នៅឯកោ ចូលចិត្តឱ្យមិត្តភក្តិនៅជុំជិតខ្លួនរបស់គេ។ ដូច្នេះប្រសិន បើអ្នកទៅពើបប្រទះបុរសទទួលទានការ៉េមកែវបែបនេះអាចបញ្ជាក់បានថា គេកំពុងកើតរោគអផ្សុកហើយចង់ មានមិត្តជជែកហើយ។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។