ហុងស៊ុយសម្រាប់អាងចិញ្ចឹមត្រី
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
អាងចិញ្ចឹមត្រីដាក់នៅភាគអាគ្នេយ៍របស់ផ្ទះ ត្រូវបានចាត់ទុកថាជាទិសដ៏សក្តិសម បំផុតដើម្បីទាក់ទាញសំណាង។ អ្នកមិនត្រូវដាក់អាងចិញ្ចឹមត្រីនៅក្នុងផ្ទះបាយ, បន្ទប់គេង ឬ កណ្តាល ផ្ទះឡើយ។
១. អត្ថប្រយោជន៍របស់អាងចិញ្ចឹមត្រី អាងចិញ្ចឹមត្រីមិនត្រឹមតែនាំភាពស្រស់ស្អាតបែបធម្មជាតិមកឲ្យម្ចាស់ផ្ទះប៉ុណ្ណោះទេ ថែមទាំងមាន អត្ថន័យហុងស៊ុយយ៉ាងធំទៀតផង។ អ្នកត្រូវយកចិត្តទុកដាក់ដល់កត្តានានាដូចជាបរិមាណត្រី, ពណ៌សម្បុរត្រី, ប្រភពទឹក, វិធីតុបតែងនៅក្នុងអាងចិញ្ចឹមត្រី និងចេះថែទាំ ដើម្បីឲ្យអាងចិញ្ចឹមត្រីស្អាត និងរស់រវើកបំផុតជានិច្ច។ ទឹកនៅក្នុងអាងចិញ្ចឹមត្រីបង្ហាញពីលំហូររបស់ជីវិត និងការរីកធំធាត់។ ការបន្លាស់ទីរកនុយ និងការ ហែលរបស់ត្រី រួមជាមួយពពុះទឹកធ្វើឲ្យកើនប្រភពថាមពលវិជ្ជមានរបស់សំណាងនិងភាពមានបាន។ បន្ថែមពីលើនេះ អាងចិញ្ចឹមត្រីនៅជួយបង្កើតតុល្យភាពសំណើមនៅក្នុងបន្ទប់បិទជិតទៀតផង។ អាងចិញ្ចឹមត្រីរស់រវើកនាំមកនូវថាមពលរស់ដល់បន្ទប់ទទួលភ្ញៀវ។
២. កត្តាបង្កើតអាងចិញ្ចឹមត្រីមួយដែលត្រូវហុងស៊ុយ អាងចិញ្ចឹមត្រីត្រូវហុងស៊ុយមួយ ចាំបាច់ត្រូវមានតុល្យភាពបណ្តាកត្តាថាមពលនៃធាតុ៥។ នៅពេល កត្តា៥ លោហ:, ឈើ, ទឹក, ភ្លើង និងដី មានឥទ្ធិពល និង បំពេញឲ្យគ្នាទៅវិញទៅមកនោះ ប្រភពភាព រឹងមាំគ្រប់យ៉ាងនឹងត្រូវបានប្រមូលផ្តុំចូលទៅក្នុងផ្ទះ។ ថាមពលទឹកមានពីបរិមាណទឹកនៅក្នុងអាងចិញ្ចឹមត្រី។ ថាមពលដី ត្រូវបានយកពីរ៉ែក្នុងធម្មជាតិ ដូចជាថ្ម, ដី, ក្រួស, ខ្សាច់។ ថាមពលភ្លើងបង្ហាញនៅពណ៌របស់ត្រី និងប្រព័ន្ធភ្លើងបំភ្លឺអាងចិញ្ចឹមត្រី រួមមានពណ៌ក្រហម, លឿង, ទឹកក្រូច។ ថាមពលលោហ:កើតពីស៊ុមលោហ:ព័ទ្ធពីក្រៅអាងចិញ្ចឹមត្រី។ ក្រៅពីនេះ ប្រភពថាមពលលោហ:នេះ ក៏ត្រូវបានកើតឡើងអាស្រ័យដោយពណ៌របស់ត្រីដែរ ដូចជា ពូជត្រីពណ៌មាស។ ចំពោះថាមពលឈើ អ្នកអាចដាក់ចូលក្នុងអាងចិញ្ចឹមត្រីនូវប្រភេទរុក្ខជាតិទឹក។
៣. វិធីដាក់អាងចិញ្ចឹមត្រី អាងចិញ្ចឹមត្រីដាក់នៅភាគអាគ្នេយ៍របស់ផ្ទះ គឺជាទិសដ៏សក្តិសមបំផុត។ នេះគឺជាតំបន់ប្រពៃណី ដើម្បី ឲ្យម្ចាស់ផ្ទះបង្កើនទ្រព្យសម្បត្តិ និង ភាពរុងរឿង។ អ្នកក៏អាចដាក់អាងចិញ្ចឹមត្រីនៅភាគខាងជើង ដើម្បីគាំទ្រដល់អាជីព ឬ ភាគខាងកើត ដើម្បីលើកកម្ពស់សុខភាពដល់គ្រួសារផងដែរ។ ប្រសិនបើចង់រារាំងប្រភពខ្យល់អវិជ្ជមាន អ្នកត្រូវដាក់អាងចិញ្ចឹមត្រីនៅខាងក្រៅផ្ទះ ដែលមានរបង និង នៅឃ្លាតពីផ្ទះអ្នកជិតខាង។ អាចដាក់អាងចិញ្ចឹមត្រីនៅចំពីក្រោមធ្នឹមផ្ទះ ដើម្បីជួយឲ្យសមាជិកក្នុង គ្រួសារថយចុះភាពតានតឹង និងសម្ពាធផ្លូវចិត្ត។ ការប្រុងប្រយ័ត្ន កុំដាក់អាងចិញ្ចឹមត្រីនៅក្នុងផ្ទះបាយ, បន្ទប់ដេក ឬ ផ្នែកកណ្តាលរបស់ផ្ទះ។
៤. ជ្រើសរើសពូជត្រីសមស្រប ត្រីមាស គឺជាជម្រើសសមស្រប និងងាយស្រួលបំផុត ដោយសារវាស្អាត, សម្បូរ, ងាយស្រួលចិញ្ចឹម និង តម្លៃសមរម្យ។ ពូជត្រីពេញនិយមមានមិនខ្វះ ប៉ុន្តែបែរជាមានតម្លៃថ្លៃ ដែលនោះគឺពូជត្រីនាគ។ តាមបទពិសោធន៍ គួរព្រលែងចូលអាងចិញ្ចឹមត្រីនូវត្រីមាស៨ក្បាល រួមជាមួយត្រីពណ៌ខ្មៅ១ក្បាល។ គោលបំណងរបស់ការព្រលែងត្រីពណ៌ខ្មៅ គឺដើម្បីឲ្យវាស្រូបយកប្រភពថាមពលអវិជ្ជមាន មុនពេល មានឥទ្ធិពលដល់សមាជិកនៅក្នុងគ្រួសារ។
៥. ធ្វើអនាម័យអាងចិញ្ចឹមត្រីឲ្យបានត្រឹមត្រូវវិធី ម្ចាស់ត្រូវធានាថា អាងចិញ្ចឹមត្រីត្រូវតែស្អាតជានិច្ច, ផ្លាស់ប្តូរប្រភពទឹកឲ្យបានញឹកញាប់, ធ្វើអនាម័យ ប្រភេទរុក្ខជាតិទឹកនិងគ្រឿងតុបតែងមុនពេលនាំត្រីចូលអាង។ អ្នកក៏ត្រូវធានាប្រភពជីវជាតិបំប៉នផងដែរ ដើម្បីជួយឲ្យត្រីមានសុខភាពល្អ។ ការតុបតែងអាងចិញ្ចឹម ត្រីខាងក្រៅអាចអាស្រ័យលើសោភ័ណដែលមនុស្សម្នាក់ៗចង់បាន។ ក៏ប៉ុន្តែ ភាពសាមញ្ញ និង ភាព សុខដុមក្នុងប្រភពថាមពលនៃធាតុទាំង៥ តែងតែជាកត្តាដែលមិនអាចខ្វះបានសម្រាប់អាងចិញ្ចឹមត្រី ដែលសមស្របហុងស៊ុយ។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។