រំលងទៅមាតិកា

ហុងស៊ុយ

ក្បួនហុងស៊ុយទាក់ទាញសេចក្តីស្នេហា

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ជាមួយការផ្លាស់ប្តូរមួយចំនួនតូច ដូចជាបំពេញបន្ថែមរបស់គូ និង បោះចោលនិមិត្តសញ្ញាអវិជ្ជមាន សេចក្តីស្នេហានឹងរកឃើញគូគាប់ហើយ។

១. បំពេញបន្ថែមរបស់គូ នៅក្នុងបន្ទប់គេង គួរមានវត្ថុដែលគួរឲ្យស្រឡាញ់ និង ត្រេកត្រអាលប្រកបដោយ សុភមង្គល។ ប្រសិនអ្នកចង់ចាប់ផ្តើមទំនាក់ទំនងស្នេហាមួយ មិនត្រូវទុកឲ្យមានរូបភាពឯកោនៅ ជុំវិញខ្លួនរបស់អ្នកឡើយ។ បញ្ចៀសការដាក់កៅអីតែមួយនៅជ្រុងបន្ទប់ និង គំនូរ បង្ហាញពីភាពឯកោ។ នោះគឺជារឿងសំខាន់ដើម្បីបង្កើតថាមពលសម្រាប់ទំនាក់ទំនង នៅជុំវិញ។ អាស្រ័យហេតុនេះ ចូរដាក់ដាក់របស់របរនៅជុំវិញ ឬ នៅលើគ្រែឲ្យមានគូ មានភ្លោះ។

២. តុបតែងរូបភាពមានសុភមង្គល ដើម្បីធ្វើឲ្យប្រសើរឡើងនូវជីវិតអាពាហ៍ពិពាហ៍ អ្នកគួរព្យួររូបថតញញឹមស្រស់ និង សប្បាយរីករាយរបស់ប្តីប្រពន្ធ ឬ គ្រួសារនៅសាលធំ, នៅផ្ទះបាយ ឬ នៅកន្លែងដែល ឧស្សាហ៍ដើរកាត់។ នៅក្នុងបន្ទប់គេង អ្នកគ្រាន់តែព្យួររូបថតប្តីប្រពន្ធ ឬ រូបថតតាម វ័យ (ប្រសិនបើអ្នកមិនទាន់រៀបការ)។

៣. រៀបចំតុទទួលទានអាហាររាងមូល តុទទួលទានអាហារមិនមានជ្រុងជួយឲ្យសមាជិកក្នុងគ្រួសារ កាន់តែជិតស្និទ្ធគ្នាជាង។ នៅពេលនិយាយដល់ការបង្កើតសេចក្តីស្រឡាញ់ឲ្យកាន់តែច្រើន បន្ទប់ទទួលទាន អាហារគឺជាលំហដ៏សំខាន់ទី២ បន្ទាប់ពីបន្ទប់គេង។ រៀបចំតុទទួលទានអាហារ ដើម្បី ឲ្យមនុស្សគ្រប់គ្នាអាចមើលឃើញគ្នា និង ដាក់កៅអីឲ្យគ្រប់ចំនួនមនុស្សពេញមួយថ្ងៃ បើទោះជាគ្រួសារមិនអាចទទួលទានអាហាររួមគ្នារៀងរាល់យប់ក៏ដោយ។

៤. បង្កើតបន្ទប់គេងដ៏កក់ក្តៅ ចូរចាប់ផ្តើមពីការបិទជិតមួយ មិនថាបន្ទប់ភ្ជាប់ ដូចជាបន្ទប់ទឹក, បន្ទប់ធ្វើការ, បន្ទប់ហាត់ ប្រាណ … នោះទេ ប្រសិនបើគ្មានទ្វារ ចូរជំនួសវាដោយវាំងនន។ គួរមានតំបន់ដាច់ដោយឡែកមួយសម្រាប់អង្គុយជជែកកម្សាន្តដោយរៀបកៅអីឲ្យនៅជិតគ្នា។ នៅពេលលំហកាន់តែធំ មនុស្សនឹងរស់នៅឆ្ងាយពីគ្នា ហើយមនោសញ្ចេតនាក៏ឆ្ងាយពីគ្នាដែរ។

៥. ប្រើប្រាស់ពណ៌ភ្លឺស្រស់ ប្រសិនបើអ្នកខ្លាចផ្កាឈូកមានបុគ្គលិកលក្ខណ:ខ្លាំងពេក អ្នកគ្រាន់តែ ប្រើប្រាស់ពណ៌ នេះនៅក្នុងបន្ទប់គេងបានហើយ។ ពណ៌មានសារសំខាន់ខ្លាំងណាស់នៅក្នុងហុងស៊ុយ។ ពណ៌ផ្កាឈូកជាពណ៌មួយក្នុង ចំណោមពណ៌ដែលល្អបំផុតដើម្បីតុបតែងបន្ទប់គេង ព្រោះវាតំណាងឲ្យសេចក្តី ស្រឡាញ់, សេចក្តីរីករាយ, សុភមង្គល និង រ៉ូមែនទិក។ បញ្ចៀសការប្រើប្រាស់ពណ៌ ខ្មៅ, ប្រផេះ និង ខៀវចាស់ ព្រោះពណ៌ទាំងនេះមាននិន្នាការបង្កឲ្យមានឥទ្ធិពលអាក្រក់ ដល់សេចក្តីស្នេហា។

៦. បោះចោលនិមិត្តសញ្ញាអវិជ្ជមាន ដើម្បីបន្ថយអារម្មណ៍តានតឹង និង ជម្លោះនៅក្នុងគ្រួសារ ត្រូវពិនិត្យមើលបរិស្ថាននៅ ជុំវិញ។ មានគ្រួសារខ្លះបានព្យួរដាវពីរខ្វែងគ្នានៅលើក្បាលដំណេក ហើយរវាង ប្តីប្រពន្ធពួកគេបានកើតមានការឈ្លោះប្រកែកគ្នាមិនតិចឡើយ។ ចូររក្សាទុកតែរូបភាព ស្អាត, រីករាយ និង លើកកម្ពស់ស្មារតីបានហើយ។ ទន្ទឹមនឹងនោះ ចូរយកទូរទស្សន៍, កុំព្យូទ័រយួរដៃ, ទូរស័ព្ទ ឬ ឧបករណ៍អេឡិចត្រូនិក ចេញពីគ្រែដេក។ ចូរទុកបន្ទប់គេង ជាកន្លែងសម្រាប់ត្រេកត្រអាល និង យុវកម្ម (rejuvenation) បានហើយ។ បញ្ចៀស ព្យួររូបថត ឬ គ្រឿងសង្ហារឹមដែលពាក់ព័ន្ធដល់មនុស្សក្រៅរង្វង់គ្រួសារនៅលើជញ្ជាំង។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។