រំលងទៅមាតិកា

ហុងស៊ុយ

ហុងស៊ុយតុបាយមិនគួរនៅឆ្ងាយពីផ្ទះបាយ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ផ្ទះបាយ ជាបន្ទប់មួយដែលមានស្ទើរគ្រប់ផ្ទះនិងវាមានតួនាទីសំខាន់សម្រាប់ការប្រើប្រាស់ប្រចាំថ្ងៃក្នុងការចម្អិនម្ហូបអាហារ។ចំណែកតុអាហារក៏មានភាពសំខាន់ក្នុងនៅក្នុងផ្ទះបាយផងដែរ។ តុអាហារបើតាមក្បួនហុងស៊ុយបានឲ្យដឹងថាមានភាពសំខាន់ណាស់ក្នុងការដាក់ឲ្យត្រូវទៅតាមទីតាំង។បញ្ហានេះយើងមិនអាចធ្វេសប្រហែសបានទេបើពុំនោះនឹងនាំឲ្យខុសក្បួនហុងស៊ុយហើយជះឥទ្ធិពលមិនល្អមកវិញពុំខាន។

តាមគោលការណ៍របស់ក្បួនហុងស៊ុយហើយបានឲ្យដឹងថាតុបាយគេមិនគួរដាក់ឲ្យឆ្ងាយពីផ្ទះបាយឡើយ។ព្រោះថាបើដាក់ឆ្ងាយពីទីតាំងនេះនាំឲ្យប៉ះពាល់ដល់បញ្ហាប្រាក់កាសគឺតែងមានការខ្វះខាតនិងមានការហូរធ្លាយចេញច្រើនដែលយើងមិនបានដឹងមូលហេតុពិតឡើយ។ ដូចនេះឃើញថាបើចង់ឲ្យត្រូវតាមគោលការណ៍ហុងស៊ុយនោះចាំបាច់ត្រូវធ្វើការផ្លាស់ប្តូរតុបាយឲ្យនៅក្បែរផ្ទះបាយឬក្នុងផ្ទះបាយនោះនឹងជួយឲ្យក្តីចម្រុងចម្រើនហូរចូលមកវិញហើយសេចក្តីសុខដុមក៏មានច្រើនជាងមុនដែរ។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។