ហុងស៊ុយសម្រាប់បន្ទប់គេងរបស់កូន
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
អ្នកត្រូវបញ្ចៀសការដាក់ទូរទស្សន៍ និងឧបករណ៍អេឡិចត្រូនិក ដើម្បីបង្កើតលំហ ស្ងប់ស្ងាត់ក្នុងបន្ទប់របស់កូន។
១. បង្កើតថាមពលតុល្យភាព បន្ទប់គេងរបស់ក្មេងតូច តែងតែត្រូវការស្ងប់ស្ងាត់ ព្រោះក្មេងរំញោចបំផុតជាមួយបរិស្ថាននៅជុំវិញ។ ចូរសម្អាតឲ្យស្អាតនិងបោះចោលរបស់ប្រើប្រាស់ដែលមិនសមស្របជាមួយវ័យរបស់ក្មេង ឬ មិនត្រូវ ការប្រើប្រាស់។ ជ្រើសរើសពណ៌អព្យាក្រឹតសម្រាប់បន្ទប់, ពិតានផ្ទះត្រូវលាបពណ៌ស។ ប្រសិនបើ មានលក្ខខណ្ឌ ចូររៀបចំបន្ទប់ឲ្យក្មេងប្រុសនៅផ្នែកខាងជើង ឬ ផ្នែកខាងកើត ចំណែកបន្ទប់ក្មេងស្រី នៅផ្នែកខាងត្បូង ឬ ផ្នែកខាងលិច។ បន្ទប់របស់ក្មេងត្រូវមានពណ៌ភ្លឺស្រស់ ដែលជួយឲ្យប្រភពថ្កុំថ្កើងចរាចរ។
២. ការជ្រើសរើសទីតាំងគ្រែដេក គ្រែត្រូវដាក់ក្បាលឲ្យជាប់ជញ្ជាំង និងឈមជាមួយផ្នែកទ្វារចេញចូល ប៉ុន្តែកុំដាក់ចំផ្លូវរួមត្រង់ និងកុំដាក់គ្រែឈមជាមួយបន្ទប់ទឹក។ ដើម្បីធានាសុវត្ថិភាព ត្រូវជ្រើសរើសគ្រែដែលមានគែម និងក្បាល មាំទាំ។ កំហិតប្រើប្រាស់គ្រែមានជាន់ ព្រោះគ្រែផ្នែកខាងលើនឹងបង្កសម្ពាធអវិជ្ជមានលើថាមពល របស់គ្រែផ្នែកខាងក្រោម។
៣. ហុងស៊ុយសម្រាប់ជញ្ជាំងខាងឆ្វេង នៅពេលបោះជំហានចូលក្នុងបន្ទប់គេង, ផ្នែកខាងឆ្វេងត្រូវបានចាត់ទុកជាតំបន់ចំណេះដឹង ហេតុនេះ ត្រូវដាក់តុសិក្សា និងទូសៀវភៅនៅទីនេះ។ គួរព្យួររបស់ប្រើប្រាស់ធ្វើពីគ្រីស្តាល់ ដើម្បីបង្កើតថាមពល វិជ្ជមាន។ ជ្រុងខាងឆ្វេងរបស់បន្ទប់ គឺជាតំបន់ថ្កុំថ្កើង។ ជ្រើសរើសស្នាដៃវិសេស, ពានរង្វាន់ និងរូបភាពបង្ហាញពី គោលដៅសិល្ប: ដើម្បីព្យួរនៅតំបន់នេះ។ របស់ប្រើប្រាស់នៅជ្រុងនេះ ត្រូវតែជាពណ៌ស្វាយ ឬពណ៌ លឿង ព្រោះវាតំណាងឲ្យភាពរុងរឿង។
៤. ហុងស៊ុយសម្រាប់ជញ្ជាំងកណ្តាល ជញ្ជាំងកណ្តាលបន្ទប់គេង គឺជាជញ្ជាំងឈមជាមួយទ្វារចេញចូល។ នៅលើនោះត្រូវព្យួរពានរង្វាន់, ស្នាដៃវិសេស និងសញ្ញាបត្រ។ ព័ត៌មានទាក់ទងដល់ការសិក្សា និង ចំណាត់ថ្នាក់ល្អ ក៏ជាជម្រើសមិន អាក្រក់ដែរ ពេលដែលព្យួរនៅលើជញ្ជាំងកណ្តាល។ គំនិតច្នៃប្រឌិតគួរអនុវត្តនៅលើជញ្ជាំងនេះ។
៥. ហុងស៊ុយសម្រាប់ជញ្ជាំងខាងស្តាំ ជញ្ជាំងខាងស្តាំសម្រាប់ការច្នៃប្រឌិត និង ការសម្រាកលំហែ។ អ្នកអាចដាក់ឧបករណ៍ និងម៉ាស៊ីនស្តាប់តន្ត្រីនៅទីនេះ ឬព្យួររូបគំនូរ, កាតប៉ុស្តាល់ទេសចរណ៍, ផែនទីពិភពលោក, ផែនដី ... ក៏មានប្រយោជន៍បំផុត និងងាយស្រួលរកព័ត៌មានដែរ។ អ្នកត្រូវបញ្ចៀសការដាក់ទូរទស្សន៍ និងកុំព្យូទ័រនៅក្នុងបន្ទប់គេងរបស់ក្មេង, ព្យាយាមធានាឲ្យបន្ទប់ មានរបៀបរៀបរយ និងស្រឡះស្រឡំ ដើម្បីជួយឲ្យថាមពលក្នុងបន្ទប់ត្រូវបានចរាចរល្អប្រសើរ៕
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។