ឈ្មោះកូនខ្មែរ ផ្ដើមដោយ ប
ឈ្មោះ ៦០ ផ្ដើមដោយអក្សរ ប ព្រមទាំងការសរសេរជាអក្សរឡាតាំង និងអត្ថន័យ។
ឈ្មោះផ្ដើមដោយ ប
- បង្អង់ BANG-ANG
- រង់ចាំ, ឈប់រេរង់។ ចរិតមិនដាច់ខាតទេតែងទុកឱកាសឲ្យអ្នកដទៃ។ ចាស់បុរាណមានឈ្មោះ សែន បង្អង់។
- បង្អែក BANG-EK
- ជាទីផ្អែក, ទីពឹងផ្អែក។ ចិត្តទូលាយតែរឹងមាំ។ ពីបុរាណមានឈ្មោះ សំ បង្អែក។
- បញ្ចទេព PANHCHAHTEP
- អ្នកតំណាងឲ្យទេវតាទាំង៥ ប្រភេទគឺៈ បុព្វទេព (ទេវតាដំបូង ឪពុកម្ដាយ), សម្មតិទេព (ទេវតាសន្មតស្ដេចផែនដី), ឧបបាតិកទេព (ទេវតាកើតឯង ឥតមានមាតាបិតា), វិសុទ្ធិទេព (ទេវពបរិសុទ្ធ) អ្នកមានសីល, អន្តោទេព (ទេវតាក្នុងចិត្ត) ចិត្តល្អ។
- បញ្ចពណ៌ PANHCHAHPOAR
- ពណ៌ទាំងប្រាំយ៉ាង, មានពណ៌ាប្រាំយ៉ាង។ ឈ្មោះស្រ្តីក្នុងរឿង បញ្ចពណ៌ទេវី។ សម្បូណ៌ឃើញមាននៅក្នុងសាស្រ្តាលែ្បង។
- បញ្ចពិធកល្យណី PANHCHAHPITKALAYANEY កូនស្រី
- កូនស្រីដែលមានលម្អ ៥យ៉ាងៈ ១. លម្អសក់ ២. លម្អបបូរមាត ៣. លម្អធ្មេញ ៤. លម្អសម្បុរ ៥. លម្អវ័យ
- បញ្ញវន្ត PANHAVORNT
- អ្នកដែលយកចិត្តទុកដាក់ប្រើគំនិតត្រិះរិះក្នុងកិច្ចការគ្រប់ជំពូក (អ្នកប្រាជ្ញា)។
- បញ្ញា PANHA
- ជនអ្នកមានសេចក្ដីដឹងកើតអំពីការរៀន, ស្ដាប់, គិត, សួរ (ការដែលដឹងច្បាស់នូវសេចក្ដីពិត)។
- បឋវី PAHTHAHVY
- អ្នកដែលមានប្រយោជន័, អ្នកដែលមានទម្ងន់ចំពោះអ្នកដទៃ ប្រៀបដូចផែនដី (ប្រឹថពី)។
- បណ្ឌិត BANDID
- ជនអ្នកមានចំណេះដឹងជ្រៅជ្រះ, អ្នកប្រាជ្ញាខាងផ្លូវសុចរិត យុត្តិធម៌ (ពាក្យបណ្ឌិតនេះពីបុរាណ ដែលគោរពព្រះពុទ្ធសាសនា បានហៅកំលោះដែលទើបសឹកចាកផ្នួសថ្មីៗ ថាបណ្ឌិត)។
- បណ្ឌិត្យ BANDID
- មនុស្សដែលមានទីស្ថានជាសភាវៈ, តាំងនៅនៃបណ្ឌិត (សេចក្ដីសុចរិត)។
- បទុម PAHTUM
- ច្រើនសរសេរក្លាយមកជា បុទុម ឬ បូទុម គួរសរសេរថា បទុម ទើបត្រឹមត្រូវ។ គឺផ្កាឈូក, ឈូក ឬថាចំនួនច្រើននៃលំដាប់បកតិសំខ្យា ដែលមានចំនួនមួយរយសែន បុណ្ឌរីក។ ចាស់បុរាណឃើញមានឈ្មោះ បទុមពរ, បទុមវតី។ល។
- បពិត្រ BORPITR
- អ្នកដែលមានសម្បត្តិជាគ្រឿងនាំចិត្តឲ្យរីករាយ ឬថាអ្នកដែលឆ្អែតឆ្អន់ស្កប់ស្កល់ ដោយទ្រព្យសម្បត្តិ។
- បរិក្ខារ BORIKHAR
- អ្នកមានសមត្ថភាពគ្រប់យ៉ាងសម្រាប់ជួយ ឬផ្ដល់សេចក្ដីត្រូវការដល់អ្នកដទៃឯទៀត។
- បរិត្ត PAHRITT
- អ្នកដែលប្រុងប្រយ័ត្នជានិច្ច ចំពោះសេចក្ដីអន្តរាយទាំងឡាយ។ ជនជារបងនៃសេចក្ដីអន្តរាយុ។ ការពារសេចក្ដីអន្តរាយមិនឲ្យតាមមកយាយីបាន។
- បរិបូរ BORIBO
- ពេញលេញ, អ្នកដែលគ្រប់គ្រាន់, ដែលឆ្អែតហើយ។
- បរិសុទ្ធ BORISOTH
- អ្នកដែលស្អាតឥតមានមោះមៃ, ដំណើរជីវិតឥតសៅហ្មង។
- បវរ BORVOR
- អ្នកដែលប្រសើរលើសលេង, គេច្រើនប្រើជាបទសមាស (គឺពាក្យពីរជានាមប្រើបញ្ចូលគ្នា ហៅថា សមាសនា)។ ឧ. បវរផល (បវរ + ផល), បវររ័ក្ ស។ល។
- ប៊ុត BUT
- គឺជាត្បូងមួយប្រភេទមានពណ៌លឿង (ពាក្យសៀម = ប៊ុតសៈរ៉ាខ័ម)។
- បុត្រ BOT កូនប្រុស
- ច្រើនប្រើជាបទសមាស។ ឧ. សិរីបុត្រ, ច័ន្ទបុត្រៈ កូនប្រុសមានសិរីសួស្ដី, កូនប្រុសដែលកើរថ្ងៃច័ន្ទ។ល។
- បុប្ផគន្ធ BOBHKUNTH
- អ្នកដែលមានក្លិនក្រអូបដូចផ្កា។
- បុប្ផជាតិ BOBHCHEAT
- ជាតិជាផ្កា, ផ្កាទាំងឡាយទាំងពួង។
- បុប្ផវតី BOBHVAHDEY កូនស្រី
- កូនស្រីដែលពេញវ័យគ្រប់ការ។
- បុប្ផា BOPHA កូនស្រី
- កូនស្រីជាទីស្រលាញ់ដូចផ្កា, ជំពូកកូនស្រីដែលជាទីស្រលាញ់គ្រប់ផ្នែក។
- បុប្ផាកេសរ BOPHAKESAR កូនស្រី
- លម្អងផ្កា (កូនស្រីដ៏ជាទីស្រលាញ់មានលម្អ ដូចជាកេសរផ្កា)។
- បុប្ផានារី BOPHANEARY កូនស្រី
- ស្រ្តីដូចជាផ្កា (សម្រាប់ហៅឈ្មោះកូនស្រី ដែលមានលម្អដូចផ្កា)។
- បុរិន្ទ BORIN
- អ្នកដែលជាធំនៅក្នុងបុរី, ល្បីល្បាញជាងគេនៅក្នុងក្រុង។
- បុរី BOREY កូនប្រុស
- កូនប្រុសខ្លះកើតនៅកន្លែងតាមជំរុំ (ដែលជាសម័យតស៊ូត្រូវដាក់) ដូច្នេះរំលឹកអនុស្សាវរីយ៍ស្នេហាជាតិរបស់ឪពុកម្ដាយ និងកូនប្រុសម្នាក់នោះ។
- បុរីរក្ស BOREYAKS
- អ្នករក្សាបុរី, ការពារជាតិ, អ្នកជាមនុស្សស្រលាញ់ការពារទឹកដី។
- បុរីរម្យ BOREYROM
- អ្នកនៅក្នុងប្រទេស/នគរដែលមានសេចក្ដីសុខដុមរមន្យនា។ អតីតឈ្មោះខេត្តរបស់កម្ពុជរដ្ឋមួយដែលបាត់បង់ទៅ(នៅប្រទេសថៃ សព្វថ្ងៃ)។
- បុស្បគន្ធ BOSBKUNTH
- អ្នកមានឈ្មោះក្រអូបដូចផ្កា។
- បុស្បវតី BOSBVAHDEY កូនស្រី
- កូនស្រីមានភាពពេញលេញ គ្រប់គ្រាន់ ឥតមានខ្វះចន្លោះត្រង់ណា។
- បុស្បា BOSBA
- បុប្ផា, ផ្កាគ្រប់យ៉ាង (មានន័យដូចឈ្មោះបុប្ផាដែរ)។ ខ្សែភាពយន្តមួយឈុតមានឈ្មោះថា “អីណាវបុស្បា” ដែលស្ដែងអំពីស្នេហាបុរស នារី ជាតិចិនមួយគូប្ដូរផ្ដាច់នឹងគ្នាលុះត្រាអវសានជីវិត។
- បូជា BOCHEA
- ជនដែលគេគោរពប្រណនិប័តន៍ស្ដាប់តាមឱវាទ។ មនុស្សដែលគេទាំងឡាយគោរពស្រលាញ់កោតក្រែង។
- បូព៌ BOR
- អ្នកដែលនៅពីមុខគេរហូត។
- បូព៌ចរិយា BORCHAHRIYA
- អ្នកមានឫកពារចរិយាជាគ្រឿងនាំមុខ (តជាប់ពីជាតិមុនមក ជាប់ស្នាមដល់ជាតិនេះ)។
- បូព៌ទេវី BORDEVI កូនស្រី
- កូនស្រីដែលពីជាតិមុនជាកូនទេវតា។ អ្នកមានលក្ខណៈដូចទេពធីតា។
- បូព៌និមិត្ត BORNIMIT
- អ្នកមានហេតុផលច្បាស់លាស់បំផុតជាខាងដើម។
- បូព៌បុត្រ BORBOT កូនប្រុស
- កូនប្រុសដែលនាំមុខគេរហូត។
- បូព៌ា BORPEA
- អ្នកដែលនាំមុខគេរហូត, អ្នកមកពីទិសខាងកើត (មនុស្សអ្នកនាំមុខ)។
- បេឡា PELA
- អ្នកមានសម្ពាយប្រាក់, អ្នកមានហិបប្រាក់មកជាមួយ។
- បេ្ដជ្ញា PDECHNHA
- ងាយយល់បំផុតថា ជាអ្នកដែលតែងមានសេចក្ដីតាំងចិត្តមុតមាំជាប់ជាប្រចាំ ជាមួយនឹងគ្រប់ការងារទាំងអស់។
- បំពេ BOMPE
- ជាអ្នកលួងលោម ប្រកបដោយទំនុក គួរឲ្យចាប់ចិត្ត (អ្នកទន់ភ្លន់)។
- ប្រកប PROAKOAP កូនប្រុស
- បើឪពុកមានត្រកូល សំ គឺកូនប្រុសម្នាក់នេះដាក់ឈ្មោះគេថា ប្រកប ពិតជាឈ្មោះអស្ចារ្យណាស់ដល់ឆាកជីវិតរបស់គេនឹងបានជួបតែការប្រពៃ, ប្រសើរ, ជារៀងរហូតមិនខានឡើយ ដោយសារគេមានឈ្មោះថា សំប្រកប។
- ប្រណម្យ PROANOM
- អ្នកដែលប្រកាន់ខ្ជាប់នូវប្រពៃណីរបស់ខ្លួន។ អ្នកដែលមានសណ្ដាប់ធ្នាប់ និយមសេចក្ដីសុភាពរាបសារជាត្រីមុខ។
- ប្រណី PROANEY
- ខ្ពស់ស្រឡះ, ស្រឡូន, ចរិតស្លូតបូត, សំដីសុភាព។
- ប្រណីត PROANIT
- ពិតជាឧត្តមថ្លៃថ្លា, ស្រស់បញ្ចង់, រលើបរលង់, ឆើតឆាយ ពិតមែន។
- ប្រសិទ្ធ PROASETH
- អ្នកមានកេរិ៍្តឈ្មោះល្បីល្បាញ, អ្នកដែលត្រូវបានគេរៀបចំឲ្យ មានសិរីសួស្ដី និងជោគជ័យ។
- ប្រសិទ្ធី PROASETHY
- បុគ្គលដែលនឹងត្រូវមានការរៀបចំ ដើម្បីឲ្យមានកេរិ៍្តឈ្មោះល្បីល្បាញ សិរិសួស្ដីជោគជ័យ និងប្រដាប់តាក់តែង។
- ប្រសើរ PROASOEUR
- ឈ្មោះនេះមានន័យថា ប្រពៃកន្លង, ត្រកាល, ថ្លៃថ្លា គួរឲ្យសរសើរស្ងើច។
- ប្រស្នា PROASNAR
- ជាអ្នកដែលមានអាថ៌កំបាំងច្រើន និងមានប្រាជ្ញាវាងវៃថែមទៀតផង។
- ប្រាការ PRAKAR
- អ្នកដែលដើរតួជាការពារប្រៀបដូចជាកំពែង ឬកំផែង។
- ប្រាង្គ PRANGK
- អ្នកដែលជាធំស្ដុកស្ដម្ភ និងសម្បូរបរិវារ ឆ្វេង ស្ដាំ។
- ប្រាជ្ញ PARCH
- ជាអ្នកប្រាជ្ញដែលប្រព្រឹត្តិតាមគន្លងធម៌របស់ដូនតាដែលជាអ្នកប្រាជ្ញ។
- ប្រាជ្ញា PRACHNHA
- អ្នកយល់ដឹងច្បាស់, អ្នកមានបញ្ញាឆ្លៀវឆ្លាស់។
- ប្រាថ្នា PRATHNA កូនប្រុស
- អ្នកដែលបានសម្រេចដូចបំណង (ជួនកាលឪពុកម្ដាយនោះ)។ បានមានសេចក្ដីប្រាថ្នា សុំឲ្យបានកូនប្រុសម្នាក់ លុះបានដូចបំណងសេចក្ដីប៉ងនោះក៏ដាក់ថា ប្រាថ្នា ជាអនុស្សាវរីយ៍ មានន័យល្អ ឲ្យបានសម្រេចដូចបំណង ដូចជារូបលោកទាំងពីរនាក់ប្រាថ្នាដែរ។
- ប្រាសាទ PRASAT
- អ្នកដែលមានចិត្តជ្រះស្រឡះ មិនទើសទាល់។ អ្នកដែលតែងមានចិត្តក្នុងឧត្តមប្រយោជន៍។
- ប្រីជា PREYCHEA
- (បរិញ្ញា) ឈ្មោះប្រីជាមានន័យស្មើនឹងពាក្យ បរិញ្ញា គឺអ្នកយល់សេចក្ដីច្បាស់ ជាអ្នកមានប្រាជ្ញាប្រាកដច្បាស់។
- ប្រីតា PREITA
- អ្នកដែលមានសេចក្ដីឆ្អែត កើតចេញអំពីអំណរដ៏វិសេស គឺអ្នកដែលឆ្អែតដោយសេចក្ដីសុខ។
- ប្រឹថពី PRETHAPY
- មានន័យដូចបឋរីដែរ គឺប្រែថាផែនដីទាំងមូល, ជាអ្នកដែលមានផលប្រយោជន៍ឲ្យសង្គមមនុស្សជាតិទាំងមូល។
- ប្រេសិត PREISIT
- បារាំងថា ENVOYE. គឺជាអ្នកដែលត្រូវបានចាត់បញ្ជូនឲ្យទៅធ្វើការសំខាន់នៅប្រទេសដទៃ។