រំលងទៅមាតិកា

ឈ្មោះកូនខ្មែរ ផ្ដើមដោយ ភ ម យ

ឈ្មោះ ៤៨ ផ្ដើមដោយអក្សរ ភ ម យ ព្រមទាំងការសរសេរជាអក្សរឡាតាំង និងអត្ថន័យ។

ឈ្មោះផ្ដើមដោយ ភ

ភក្តិ PHEAK
(ភ័ក្តិ) សេចក្ដីស្រឡាញ់ស្មោះសរ។ អ្នកមានការស្មោះត្រង់ចំពោះម្ចាស់ ឬមិត្រ ឬស្វាមីភរិយា។
ភ័ក្រ PHEAK
(ភ័ក្ត្រ) មុខ, វង់ភ័ក្ត្រ។ ជាឈ្មោះមួយពិរោះស្ដាប់សម្រាប់ទាំងប្រុស ទាំងស្រី។
ភណ្ឌ PHOAND
គ្រឿងប្រើប្រាស់, របស់ដើមទុន, ទ្រព្យ។
ភ័ព្វ PHOAP
អ្នកដែលមានសំណាងល្អ, ភ័ព្វបុគ្គល = (អ្នកមានរូបស្អាត សេចក្ដីសុខ គួរដល់កិច្ចការ)។
ភាណុ PHEANUH
អ្នកដែលមានពូជពង្សព្រះទិត្យ។

ឈ្មោះផ្ដើមដោយ ម

មករា MAKARA
អ្នកមានរាសីពេញឥតខ្វះ។
មង្គល MONGKOL
សេចក្ដីចម្រើនរុងរឿង, មានសេចក្ដីសុខសិរីសួស្ដី។
មនោ MANO
ចិត្ត។ មនោរម្យ = ចិត្តសុខសាន្ត។
មយូរា MAYURA
ពួកក្ងោកទាំងឡាយ។
មរកត MORAKOT
ឈ្មោះកែវ ឬត្បូងសម្បុរខៀវខ្ចី ឬបៃតង (កែវមរកត, ត្បូងមរកត)។
មរតក MORADOK
ទ្រព្យមរតក គឺទ្រព្យរបស់បុគ្គលដែឡស្លាប់ហើយ អ្នកដែលទទួលសំណាងអំពីឪពុកម្ដាយ។
មល្លិកា MOLIKA
ផ្កាមលិ្លកាក្រអូមឆ្ងាញ់។
មិថុនា MITHOHNA កូនប្រុស
បានដល់ពាក្យថា គូ, គូនៃបុរសនិងស្រ្តី។ ឬក៏ថា កូន (ម្នាក់នេះទោះប្រុស ឬស្រី) គេឈ្មោះ មិថុនា គឺគេបានកើតហើយ កាលពីខែមិថុនា ក្នុងឆ្នាំណាមួយនោះ។
មុទិតា MUTITA
បា. ( ន. ) ដំណើរមានចិត្តរីករាយទៅរកសេចក្ដីសុខរបស់អ្នកដទៃពុំរើសមុខ គឺដំណើរដែលដឹងថា អ្នកដទៃតាមតែអ្នកណាក៏ដោយ គេមានទ្រព្យធនបុណ្យស័ក្តិ បានប្រកបដោយសេចក្ដីសុខ-ចម្រើន ក៏មានចិត្តជួយអរគេ មិនច្រណែននិន្ទាឈ្នានីស (មុទិតា នេះជាធម៌ប្រសើរសំខាន់មួយយ៉ាងសម្រាប់ពួកមនុស្ស)។ មុទិតាចិត្ត ចិត្តដែលមានមុទិតា។ មុទិតាធម៌ ធម៌ដែលប្រកបដោយមុទិតា (ដូចគ្នានឹង មុទិតាចិត្ត ដែរ)។
មុនរាជ MUNIREACH
ស្ដេចនៃពួកអ្នកប្រាជ្ញ។
មុនិនាថ MUNINEATH
អ្នកដែលជាទីពឹងរបស់អ្នកប្រាជ្ញទាំងឡាយ។
មុនិន្ទ MUNINT
អ្នកដែលជាធំជាងអ្នកប្រាជ្ញ, គ្រូរបស់អ្នកប្រាជ្ញ។
មុនី MUNI
អ្នកមានប្រាជ្ញាឆ្នើម។
មូរ៉ា MOURA
អ្នកដែលមានចិត្តរឹងដូចថ្ម មានប្រាជ្ញាដូចត្បូង (សំដៅទៅលើពន្លឺ)។
មូលី MOLY
អ្នកមានអំណាចការពារពន្លឺ ដែលជះចូលមកអំពីទីផ្សេង។
មេខា MEKHA
កូនដែលពូកែធ្វើជំនួញ ពូកែគិតលេខ បូក, គុណ, ចែក, ដក។
មេត្តា METTA
អ្នកមានសេចក្ដីរាប់អានចំពោះអ្នកផង។ អ្នកដែលមានបំណងចង់ឲ្យអ្នកដទៃមានសេចក្ដីសុខចម្រើន ដូចខ្លួនដែរ។
មេត្រី METREY
អ្នកដែលមានចិត្តប្រកបដោយសេចក្ដីស្រឡាញ់រាប់អានច្រើន។
មេធា METHEA
អ្នកមានគំនិតប្រាជ្ញា អាចទម្លុះទម្លាយដំណើរអ្វីនីមួយៗបាន។
មេធាវី METHEAVY
អ្នកមានប្រាជ្ញាធំ អាចដោះស្រាយបញ្ហបានទូលាយ។
មេធី METHY កូនស្រី
(កូនស្រីជាមេធាវីនី) អ្នកមានតម្រិះប្រាជ្ញា។
ម៉ោរា MORA
មានន័យថា អ្នកដែលមានចិត្តរឹងដូចថ្ម មានប្រាជ្ញាភ្លឺដូចត្បូង។
មោលី MOLY
អ្នកមានរាសីខ្ពស់ (ដោយទេពកោសល្យ វិលប្រទក្សិណមិនអាចអ្នកណាដឹងបាន)។
ម្លិះ MLIS
មកពីពាក្យ មលិ្លកា > មល្លិ = ម្លិះ អ្នកនាងកញ្ញានោះប្រាកដហើយថា គេឈ្មោះដូចផ្កាម្លិះ ដែលក្រអូបត្រជាក់សម្រាប់បូជាព្រះ, ស្ដេច, ព្រះសង្ឃ, ឥស្សរជនទាំងឡាយ។ល។

ឈ្មោះផ្ដើមដោយ យ

យន់ YUN
អ្នកដែលមានសន្នានចិត្តអារកាត់ សេចក្ដីច្បាស់លាស់, ងាយបញ្ចប់មិនចង់អូសបន្លាយវែងៗ។ ចង់តែធ្វើការងារណានីមួយឲ្យឆាប់ចប់។
យន្ត: យន្ត្រ YUNT,YUNTR
អ្នកដែលពេញចិត្តនូវការធ្វើការងាររួមគ្នា។ មនុស្សអ្នកនិយមការសាមគ្គីជាធំ។
យ័ន្ត:យ័ន្ត្រ YORNT,YORNT
ជនអ្នការពារ, ជនអ្នករារាំង ឃាត់ឃាំងអ្នកមូលកុំឲ្យបំផ្លាញអ្នកមួយទៀត។ អ្នកជា, ដែលការពារមិនឲ្យគេបំផ្លាញគ្នានឹងគ្នា។
យស YOUS
អ្នកមានអានុភាព, មានឥស្សរភាព, មានបរិវារ, មានទ្រព្យធន, មានកេរ្តិ៍ឈ្មោះល្អ និងសេចក្ដីថ្កើនថ្កាន។
យាត្រា YEATRA
និយាយសាមញ្ញថា ការដើរ ឬថាចេញចរ។
យាមនាលី YEAMAHNEALY
លោក/អ្នកដែលអ្នកផង គេស្ដាប់បង្គាប់តាម (នៅពេលប្រាប់-បង្គាប់គេអំពីមួយ)។
យាមវតី YEAMAHVATTEY
អ្នកដែលមានចិត្តអាថកំបាំង, មានចិត្តត្រជាក់ស្ងាត់ (មិនបង្ហាញឲ្យគេឃើញ)។
យាមា YEAMEA
ពពួកទេវតា ដែលនៅស្ថានទី៣ (អ្នកនៅស្ថានសួគ៌ជាន់ទី៣) បើពេញចិត្តក៏ដាក់ឈ្មោះនេះចុះ។
យាមិកា YEAMIKA
កញ្ញាចិត្តត្រជាក់ស្ងាត់។
យាមិនី YEAMINY កូនស្រី
នារីមានចិត្តស្ងាត់កំបាំង។
យុគន្ធរ YUHKUNTHOR
អ្វីៗសម្រាប់ទ្រទ្រង់ជាគូ (ពីរៗ)។
យុត្ត YUTTAH
ជាបុគ្គលត្រឹមត្រូវ, អ្នកប្រកបដោយភាពមានទំនងត្រូវបែបត្រូវយ៉ាងគឺ មិនចេះឆ្គាំងឆ្គង។
យុត្តិវង្ស YUTTIVONG
អ្នកមានចរិតយុត្តិធម៌, គឺមានសេចក្ដីទៀងត្រង់ត្រឹមត្រូវ។
យុទ្ធ YUTH
ការប្រឡូក, ការតយុទ្ធ អ្នកដែលជាពូជអ្នកចម្បាំង អ្នកពូកែខាងឧបាយសង្គ្រាម។
យុទ្ធនា YUTHAHNEA
ឈ្មោះនេះស្មើនឹងការពារ, អ្នកមានមុខការខាងចម្បាំង, អាការៈនៃចម្បាំង។
យុវតី YUHVEHTEY
គឺនាងកញ្ញាដ៏បវរម្នាក់, នាងយុវតី, យុវតីនេះ, កញ្ញាយុវតី។
យុវ័ន YUHVANN
គឺជាអ្នកកំលោះមួយរូបដ៏ស្អាត, យុវភាព, យុវជន។
យោជនា YOCHEHNEA
អ្នកស្គាល់ផ្លូវដើរ រួចប្រាប់អ្នកដទៃឲ្យស្គាល់ដូចខ្លួនដែរ។
យោធា YOTHEA
សភាវៈជាអ្នកចម្បាំងតតាំង។

← ព រ ល →