រំលងទៅមាតិកា

ឈ្មោះកូនខ្មែរ ផ្ដើមដោយ ង ច

ឈ្មោះ ៤០ ផ្ដើមដោយអក្សរ ង ច ព្រមទាំងការសរសេរជាអក្សរឡាតាំង និងអត្ថន័យ។

ឈ្មោះផ្ដើមដោយ ង

ងារ NGEAR
មុខការ, ទីតំណែងរាជការតាមបណ្ដាស័ក្ដិ, ឋានន្តរ។ ឧ. លោក ច័ន្ទ ពោធិងារ = អ្នកមានតំណែងធំទូលាយ ហើយត្រជាក់ដូចពន្លឺព្រះច័ន្ទ។
ង៉ែត NGET
សំដីហៅកូនតូច, កូនង៉ែត, អាង៉ែត ចាស់បុរាណដាក់ឈ្មោះ ង៉ែត ឲ្យកូនចៅច្រើន។

ឈ្មោះផ្ដើមដោយ ច

ចក្រ CHAKR
កង់, កង់មានកាំ, អាវុធមានសណ្ឋានជាវវង់មូល មានងៀងជាបន្លាជុំវិញ មានមុខមុត។
ចក្រក្រឹស្ណ CHAKRAPONG
វង្សនៃស្ដេចចក្រពត្តិ, វង្សនៃក្សត្រអ្នកគ្រប់គ្រងអាណាចក្រ, (ព្រះរាជបុត្រព្រះមហាក្សត្រ)។
ចក្រាយុធ CHAKRAYTH
អ្នកដែលមានដៃដូចព្រះវិស្ណុ, អ្នកមានចក្រជាអាវុធនៅដៃ។ ជួនកាលហៅថា ចក្រា ក៏មាន។
ចក្រាវុធ CHAKRVUTH
អ្នកដែលមានដៃដូចព្រះវិស្ណុ, អ្នកមានចក្រជាអាវុធនៅដៃ។ ជួនកាលហៅថា ចក្រា ក៏មាន។
ចក្រី CHAKREY
អ្នកមានចក្រ, អ្នកទ្រទ្រង់ចក្រ (សំដៅទៅលើវិស្ណុ, ស្ដេចក្រពត្តិ, ព្រះមហាក្សត្រ)។
ចង្កុលណី CHANGKOLAHNY
វល្លិទឹកមួយប្រភេទដូចឈូកដែរ មានកេសរផ្កាច្រើនស្រទាប់ផ្កាបែកជាខ្នែងតពីគ្នាជាបី ឬជាបួនក៏មាន។
ច័ន ឬ ចាន់ CHAN កូនស្រី
គឺជាឈើមានផ្លែ កាលនៅខ្ចីមានរសជត់ លុះដល់ទុំមានក្លិនក្រអូបប្រហើរឈ្ងប់មានរសផ្អែមប្រើជាបង្អែម។ ដូច្នេះគេគឺជាកូនស្រី ដែលមានការព្យាយាមក្នុងជីវិតរផនសូត្រដ៏ជូរចត់ លុះដល់ទីចុងក្រោយត្រូវទទួលលទ្ធផលជាទីគាប់ចិត្តយ៉ាងផ្អែមល្ហែមមិនខុសអ្វីពីរសជាតិរបស់ផ្លែច័ន នេះឡើយ។
ច័ន្ទ CHANT
សភាវៈសម្រាប់បំភ្លឺជាចម្បងជាងគេទាំងអស់ដែលភ្លឺក្នុងពេលយប់។ ពន្លឺដល់ស្រទន់នៃច័ន្ទពេញវង់(លោកខែ)។
ចន្ទច្ឆាយា CHANTACH-CHHAYA
ហៅក្លាយមកជា ចន្ទឆាយា ទៅវិញ, ស្រមោលព្រះច័ន្ទ។ ឈ្មោះប្រាសាទមួយនៅខាងមុខគេបង្អស់ ក្នុងព្រះបរមរាជវាំងចតុមុខ ក្រុងភ្នំពេញ។
ចន្ទរង្សី CHANTHARIANGSEY
រស្មីព្រះច័ន្ទ។ ឈ្មោះនេះឃើញមានសម្បូរក្នុងត្រកូលក្សត្រ។
ចន្ធី CHANTHY កូនស្រី
ឈ្មោះជាគូគ្នានឹង ចន្ធូ ដើម្បីឲ្យការហៅដល់បងប្អូនស្រីទាំងពីរមានស្រដៀងគ្នា។ បើមានកូនស្រីភ្លោះ ឈ្មោះទាំងពីរនេះពិតជាសាកសមសម្រាប់ពួកគេមែន។
ចន្ធូ CHANTHOU
ឈ្មោះតិណជាតិមួយប្រភេទ មានផ្កាពណ៌ ស ឬ លឿង មានក្លិនក្រអូបឈ្ងប់, ផ្កាចន្ធូ, ដើមចន្ធូ។
ចម៉្បា CHAMPA
ជាប្រភេទដើមផ្កាមួយមានក្លិនក្រអូបឈ្ងប់មានពីរពណ៌គឺៈ ចម៉្បាក្រហម និងចម៉្បា ស។
ចម្រុង CHAMRONG
កាផ្ចុងផ្ដើម, ជាអ្នកផ្ដើមធ្វើឲ្យមានសេចក្ដីចម្រើន។
ចម្រើន CHAMROEUN
ធ្វើឲ្យច្រើន, ធ្វើឲ្យឡើង។
ចម្រុះ CHAMROS
អ្នកដែលអាចរស់នៅជាមួយជំពូកមនុស្សប្រភេទណាមួយក៏បាន ដោយមិនប្រកាន់ខ្លួនឡើយ។
ចម្លង CHAMLOANG
ធ្វើឲ្យឆ្លង, ការនាំពីត្រើយម្ខាងទៅត្រើយម្ខាងទៀត។
ចរណៈ CHORANAK កូនប្រុស
ជាជើង ក៏បាន, ជាដំនើរបែបបទក៏បាន, ឬថាសណ្ដាប់ធ្នាប់, គឺជាដំណើរប្រព្រឹត្តិទៅនៃសេចក្ដីល្អ, ក្រឹត្យដែលមអ្នកប្រាជ្ញគួរប្រព្រឹត្តិ។ បើដាក់ឈ្មោះនេះគឺ គេសំដៅឲ្យដល់កូនប្រុស ដែលក្រុមពួកអ្នកប្រាជ្ញស្រឡាញ់រាប់អាន។
ចរណៃ CHORANAY
កែវ, ត្បូងដែលគេច្នៃរួចហើយ។
ចរន្ត CHAHRONT
ចលនា ឬដំណើរដែលប្រព្រឹត្តិទៅដោយកម្លាំងនៃធាតុទឹក និងធាតុភ្លើងជាដើម។
ចរិត CHARIT
ការប្រព្រឹត្តិ, កិរិយាមារយាទ, ឫកពារ, បែបបទ។
ចរិយា CHAHRYA
ការប្រព្រឹត្តិ, សំណាង, ភ័ព្វព្រេងសំណាង។
ចលនា CHALANA
ជាការកម្រើក, ការដែលមិនតាំងនៅស្ងៀម, ការដំណើររវើកជានិច្ច។
ចាប CHAP
ឈ្មោះសត្វបក្សីតូចៗ មានច្រើនប្រភេទ។ សម្បូណ៌គួរសមឈ្មោះនេះ ប្រហែលឪពុកម្ដាយនៅជនបទដាក់ដើម្បីយកជួន ដូចឈ្មោះចាន់, ចែម, ចន។ល។
ចាមរី CHAMARY កូនស្រី
គឺជាសត្វចតុប្បាទ (ជើងបួន) មួយប្រភេទមានរោមវែងៗ សម្បុរ ស ស្រោមខ្លួនមានសំណុំកន្ទុយ ស ត្រសាលភ្លឺថ្លា មានរូបសណ្ឋានស្រដៀង នឹងក្របី, មានកំណើតរស់នៅក្នុងប្រទេសត្រជាក់ ដូចប្រទេសទីបេត៍ជាដើម, គេច្រើនយកកន្ទុយសត្វនេះមកធ្វើជាស៊ែ ហៅថា វាលវិជនី, តាមរជ្ជប្រពៃណីពីបុរាណបានរាប់វាលវិជនី (ផ្លិតរោមសត្វ) ចូលក្នុងរាជកកុធភណ្ឌទាំង៥ ឈ្មោះផង។ ចាមរី ជាប្រភេទសត្វស្អាតបាតណាស់មិនឲ្យសក់កន្ទុយប្រឡាក់ប្រឡូសទេ។ ឈ្មោះកូនស្រីល្អណាស់ៈ ម្លប់, ត្រជាក់, ជំហរច្បាស់លាស់, អ្នកធំស្រឡាញ់ពេញចិត្តជានិច្ច ពីព្រោះគេជាអ្នករំដោះសេចក្ដីក្ដៅក្រហាយរបស់អ្នកដទៃចោលចេញ និងជាកូនស្រីម្នាក់ដែលរក្សាភាពស្អាតជានិច្ច។
ចារី CHAREY កូនស្រី
ជាឈ្មោះនៃកាំបិតមួយប្រភេទ មានលំនាំស្រដៀងនឹងកាំបិតព្រាតែមានផ្លែវែងស្រៀវតូចរៀវ។ សក្ដិសមនិងកូនស្រីដែលមានរាងតូចស្រលូន, នាងមានចិត្តមុះមុតខ្លាំងណាស់។
ចិត្ត ចិត្រ CHITT/CHITR
អ្នកដែលត្រូវបានគេជួយផ្ចិតផ្ចង់ហើយ, ច្រើនថែមជាៈ ពិចិត្ត, វិចិត្រ=ការលាបពណ៌ចម្រុះ ល្អប្រសើរ។
ចិន្តា CHENDA/CHANDA កូនស្រី
ជាកូនស្រីដែលតែងតែជាប់នៅក្នុងខ្លួនរបស់ឪពុកម្ដាយ (គេត្រូវធ្វើតែការមួយៈ គឺកុំឲ្យបារម្ភខ្លាចអ្នកដទៃមិនដឹង, មិនយល់ឲ្យសោះ)។
ចិន្តាមណី CHENDAMONY កូនប្រុស
កែវមុក្ដាដ៏ឧត្តម, ឈ្មោះមន្ត ដែលឧត្តមសមប្រាថ្នា។ កូនប្រុសស្រីដែលមានចិត្តក្លាហានមោះមុតដូចជានាយកឧត្តមសេនីយម្នាក់នៅសមរភូមិដូច្នោះដែរ។
ចូឡពន CHOLAPON
ព្រៃតូច (ច្រើនមាននៅក្នុងភូមិគ្រឹះរបស់មហាសេដ្ឋី, ជាទីស្ងប់ចិត្តរបស់អ្នកមានទ្រព្យសម្បត្តិ ឈ្មោះនេះបើកូនអ្នកជំនួញវិញ គឺជាអ្នកដែលរកបានប្រាក់ចំណេញរាល់ថ្ងៃមិនដែលស្គាល់ខាត)។
ចូឡា CHOLA
ជុក, កំប៉ោយ, ផ្នួង។
ចេតនា CHETANA កូនប្រុស
គំនិតដែលនាំចិត្តឲ្យភ្នក, ឲ្យផ្ដួចគិត។ កូនប្រុសស្រី ដែលប៉ិនប្រសប់ កៃខៃ បញ្ហាតូចធំទាំងឡាយ។
ចេតបុត្រ CHETABOT កូនប្រុស
កូនប្រុសដែលកើតចេញមក (នៅបរិសុទ្ធ), នៅក្នុងរឿងព្រះវេស្សន្តរ ជាតក មានព្រានព្រៃមួយរូបឈ្មោះ ចេតបុត្រ។
ចេតសិក CHETASEK
សភាវៈដែលកើតព្រមជាមួយចិត្ត, ដែលប្រកបផ្សំនឹងចិត្ត។ មនុស្សដែលមិនចូលចិត្តទាល់តែសោះ ការនៅម្នាក់ឯង, ស្អប់ភាពឯកោ។
ចេស្ដា CHESDA
អ្នកដែលប្រឹងប្រែងសង្វាត ខ្មីឃ្មាត, អវៈយវៈកម្រើកជានិច្ច, ឬហៅម៉្យាងទៀតថា អ្នកដែលមានអំណាចតេជៈ។
ចំណាន CHAMNAN
អ្នកដែលពូកែ វាងវៃ ប៉ិនប្រសប់។ ចំណាន ឆាំន៉ាន ជំនាញ។
ចំណាប់ CHAMNAP
ជាបុគ្គលល្អផ្ដាច់, ឆើត, ខ្ពស់, ល្អចំណាប់។
ចំប៉ី CHAMPEY កូនស្រី
កូនស្រីចិត្តបរិសុទ្ធល្អ ប្រកបការងារដែលមានកេរ្តិ៍ឈ្មោះជាទីសង្ឃឹមរបស់ញាតិ ព្រៀងលាន។

← ខ គ ឃ ឆ ជ →