ឈ្មោះកូនខ្មែរ ផ្ដើមដោយ ផ
ឈ្មោះ ១៦ ផ្ដើមដោយអក្សរ ផ ព្រមទាំងការសរសេរជាអក្សរឡាតាំង និងអត្ថន័យ។
ឈ្មោះផ្ដើមដោយ ផ
- ផគ្គុណ PHAKKUN
- ឈ្មោះខែទី៤ ប្រើតាមច័ន្ទគតិ (ខ្មែរយើងពីបុរាណរាប់ពី មិកសិរ, បុស្ស, មាឃ, ផគ្គុន(ផគ្គុណ), ចេត្រ)។ល។
- ផគ្គុនី PHAKKUNY កូនស្រី
- ជាឈ្មោះរបស់ផ្កាយមួយប្រភេទ, កូនស្រីដែលនៅចំណោមអ្នកមានពន្លឺស្មើ។
- ផង់ PHOANG
- មិនសូវប្រើផ្សំជាមួយស័ព្ទនាំមុខទេ, កាន់តែពីរោះចំពោះ = សុផង់, សំដៅចំពោះអ្វីដែលម៉ដ្ឋស្លុង, ដែលល្អិត គឺជាអ្នកមានគំនិតជ្រៅ។
- ផរណា PHARANA
- ដែលផ្សព្វផ្សាយពេញខ្លួន។ អ្នកដែលឆាប់យល់, ឆាប់ទទួលបាននូវតម្រិះ (មនុស្សឆ្លាត)។ ដែលឆាប់ជ្រួតជ្រាបសេចក្ដីទាំងឡាយ។
- ផល PHAL
- អ្នកដែលមានសេចក្ដីចម្រើន, មានលាភ, អ្នកមានសេចក្ដីរយងរឿង, សម្បូណ៌ឃើញមានច្រើន។ ឧ. សុផល (សេចក្ដីរុងរឿង) ផលា (កុំច្រលំ ផលា ឥតមានជើង ល ឡើយ (មានន័យដូច ផល ដែរ ប្រើបានទាំងប្រុសស ទាំងស្រី))។
- ផស្ស PHOAS
- ផស្ស មានន័យដូច សម្ផស្ស ដែរ គឺអ្នកដែលទទួលអារម្មណ៍, អ្នកដែលងាយស្រូបយកនូវអារម្មណ៍អំពីអ្នកដទៃ។
- ផាណិត PHANET
- កូនដែលមានចរិតចរិយាស្រទន់, សំដីផ្អែមល្ហែមជាទីពេញចិត្តដល់មនុស្សទាំងឡាយ។
- ផាត់ PHAT
- ខ្មែរមានច្រើនឈ្មោះ ផាត, ផាត់ (រឿងព្រេងមួយមានឈ្មោះតួ សូផាត)។ អ្នកមានការប្រឹតព្រៀង ប្រុងប្រយ័ត្នគ្រប់ជំហ៊ាន មិនធ្វេសប្រហែស។ អ្នកចេះសម្រិតសម្រាំង។
- ផាវ PHAO
- មានន៏យតែម៉្យាងគឺ ជារំសេវ កាត់ឆេះជាភ្លើងនៃឆ្នួនអុជផ្ទុះ ឮសូរខ្ទ័រ (ភ្ញីភ្លើងរបស់ជនជាតិចិន)។
- ផាសុក PHASOK
- ជនអ្នកមានសេចក្ដីសុខសប្បាយ។
- ផាសុការ PHASOKAR
- អ្នកជាទីស្រឡាញ់របស់មនុស្សទាំងឡាយ, មានព្រះរាជា ជាដើម។
- ផាសុវិហារ PHASOVIHAR
- កូនដែលមានសេចក្ដីសុខជានិច្ច ទាំងគ្រប់ឥរិយាបថគឺដេក, ដើរ, ឈរ, អង្គុយ, ស៊ី, ផឹក, និយាយ, ស្ដាប់, គិត។
- ផុស្សីតី PHOSAHTEY
- ព្រះនាមនៃព្រះនាងទេវី ជាព្រះមាតានៃព្រះវេស្សន្តរ ក្នុងរឿងព្រះវេស្សន្តរជាតក ព្រះនាង ផុស្សតី ជាព្រះរាជអគ្គមហេសីនៃព្រះបាទស្រីសញ្ជ័យ។
- ផេង PHENG
- ជាឈ្មោះនៃជញ្ជីងមួយប្រភេទ គេសម្រាប់យកទៅថ្លឹងមាស ហៅថា “ជញ្ជឹងផេង” សំដៅថា ជាអ្នកមានសេចក្ដីថ្លឹងថ្លែងដ៏ម៉ដ្ឋចត់។
- ផែ PHE
- ការផែមាស ឬផែប្រាក់ (គេដំ ឬវាយឲ្យសំប៉ែតជាទំហំ = សម្រាប់ជាងមាស ជាងប្រាក់), ឬថាផ្ទះបណ្ដែតទឹក។
- ផែង PHENG
- ជាផ្ទាំងដែលគេត្បាញជាបន្ទះ។ កន្ទេលផែង, ជញ្ជាំងផែង។ គឺជាបន្ទះជញ្ជាំងដ៏រឹងមាំ។ កំផែង។