រំលងទៅមាតិកា

ឈ្មោះកូនខ្មែរ ផ្ដើមដោយ ឆ ជ

ឈ្មោះ ៤៩ ផ្ដើមដោយអក្សរ ឆ ជ ព្រមទាំងការសរសេរជាអក្សរឡាតាំង និងអត្ថន័យ។

ឈ្មោះផ្ដើមដោយ ឆ

ឆដា CHHADA កូនប្រុស
ពន្លឺលំអ៦ពណ៌។ កូនប្រុសស្រី ដែលញញឹមស្រស់ស្រាយជានិច្ច។
ឆព្វណ្ណ CHHOPPOANN
ពន្លឺ៦ពណ៌ៈ ខៀវ, លឿង, ក្រហម, ស, ហង្ស, ផ្លេក។ ពន្លឺពេជ្យ។ រស្មីដែលចេញពីព្រះកាយព្រះពុទ្ធ។
ឆវ័ណ្ណ CHHORVORN
អ្នកមានសម្បុរ៦ពណ៌។
ឆវីវណ្ណ CHHORVYVOAN កូនប្រុស
ពណ៌សម្បុរថ្ងៃ, ពណ៌សម្បុរស្បែក។
ឆាកាភា CHHADAPHEA
កញ្ញាដែលមានពន្លឺភ្នែកមុតថ្លា គំនិតប្រាជ្ញាឆ្លៀវឆ្លាស់ ដូចផ្លេកបន្ទោរ។
ឆាយ CHHAY កូនប្រុស
បានន័យថា ស្រមោល, ម្លប់, ល្អប្រពៃ។ ច្រើនជាឈ្មោះកូនប្រុស។ ឆោម ឆាយ, ឆើតឆាយ គឺមានរូបស្រៀវស្រស់, ប្រពៃច្រើនបានជាម្លប់ដល់ញាតិជិតឆ្ងាយ។
ឆាយា CHHAYA
ជាស្រមោល, ជាម្លប់។ ជាអ្នកមានចិត្តត្រជាក់ជានិច្ច។
ឆើត CHHOEURT
ល្អស្រស់បំព្រង Pretty.។
ឆោម CHHOME
ជារូបរាង, ជាទ្រង់ទ្រាយ។ អ្នកដែលមានបែបបទ ដូចគេឯងដែរ គឺមិនទទឹងទទែង។

ឈ្មោះផ្ដើមដោយ ជ

ជតា CHEHDA
ឱកាសបានទទួលកំណើត, ជាជនដែលមានកំណើតហើយ។
ជនិន្ទ CHEHNINT
អ្នកមានឋានៈខ្ពស់ដូចជាព្រះឥន្ទ។ ប្រុស។
ជនី CHEHNY
អ្នកដែលមានទឹកចិត្តដូចជាមាតា (ស្រី)។
ជនេត្តី CHEHNETTEY
ស្រី្ដដែលដូចជាម្ដាយ។
ជម្នៈ CHOMNEASH
ជនដែលមានការឈ្នះ, អ្នកដេលពុះពារទៅរកសេចក្ដីឈ្នះ។
ជម្ពូ CHOMPOU
អ្នកដែលដឹកនាំគេទៅរកខ្លឹមសារនៃជីវិត។
ជម្ពូនុទ CHOUMPOUNUT កូនស្រី
មាសជម្ពូនុទ (ជាមាសល្អបំផុត សម័យបុរាណដ៏វិសេសនៅជម្ពូទ្វីប, កើតមកពីកកដី និងទឹកផ្លែព្រិងរលួយ ត្រូវខ្យល់បក់ស្ងួតខៈ ក្លាយជាមាសល្អលើសមាសទាំងពួង) កូនស្រី។
ជម្រក CHOMROAK
អ្នកជាទីពឹងរបស់ញាតិ នៅជ្រកកោនអ្នកដែលពេញដោយសន្តានចិត្តល្អ។
ជ័យ CHEY
អ្នកមានសេចក្ដីឈ្នះជានិច្ច។
ជហ្វា CHEHVEA
ជនដែលរក្សានូវកេរ្តិ៍ដំណែលពីដូនតាផ្នែកវប្បធម៌សង្គម។
ជា CHEA
អ្នកបានសុខ, អ្នកដែលមានចិត្តជាបណ្ឌិត, អ្នកដែលមានជិវិតប្រែប្រួលតាមវ័យ គឺប្រែពីតូចទៅធំ និងកាន់តែធំជាលំដាប់។
ជាតក CHEADOK
អ្នកដែលមានញាណអាចដឹងជាតិមុនរបស់ខ្លួន។
ជាតា CHEATA
អ្នកដែលមានកំណើត។ ចាស់បុរាណតែងផ្សំ សុ > សុជាតា = អ្នកមានកំណើតល្អប្រពៃ។
ជាតិ CHEAT
អ្នកមានកំណើត, ក្រុមមនុស្ស។
ជាតី CHEATEY កូនស្រី
កូនស្រីដែលចេះបិទបាំងនូបការសម្ងាត់, មិននាំភ្លើងក្នុងចេញទៅក្រៅ មិននាំភ្លើងក្រៅចេញចូលមកក្នុង។
ជាលិនី CHEALINI កូនស្រី
កូនស្រីដែលមានបណ្ដាញ (ប្រាជ្ញាជាល្បិច) ប្រឡាក់ក្រឡាដូចសំណាញ់។
ជាលី CHEALY កូនប្រុស
ឈ្មោះកូនព្រះបាទស្រីវេស្សន្តរ, កូនប្រុស = ហៅថា បាជាលី។
ជិតំ CHIHTANG
ឈ្នះហើយ! ឈ្នះហើយ = ជយោ ដែរ។
ជិនបុត្រ CHIHNABOTR
កូនរបស់អ្នកដែលឈ្នះហើយ (សំដៅលើកូនរបស់ព្រះ)។
ជិនវង្ស CHINAVONG
ត្រកូលអ្នកឈ្នះ, នៅក្នុងរឿងសាស្រ្តាល្បែង (រឿងប្រតិដ្ឋ) មានក្សត្រមួយព្រះអង្គនាម ព្រះជិនវង្ស។
ជិនស្រី CHINASREY
លោកអ្នកឈ្នះ មានសេរីសួស្ដី (ព្រះនាមព្រះពុទ្ធ)។
ជី CHI
អ្នកបានបំពេញនូវសីលល្អហើយ, អ្នកជាទីស្រលាញ់របស់អ្នកធំ, អ្នកមានអនាគតល្អ។
ជីវ័ន CHIVORN
អ្នកដែលកំពុងបន្តការរស់នៅ, ដំណើរការចិញ្ចឹមជីវិត។
ជីវន្ត CHIVORNT
អ្នកដែលកំពុងរស់នៅ។
ជីវា CHIVA
ជនជាទីស្រលាញ់ស្មើជីវិតរបស់អ្នកទាំងឡាយ (សម្រាប់កូនស្រី) ច្រើនជាង (កូនប្រុស)។
ជីវិន CHIVIN
អ្នកដែលមានជីវិត, សហជីវីនៈ អ្នកមានជីវិតរួមគ្នា។
ជុតិម៉ា CHUTIMA
អ្នកដែលមានសេចក្ដីរុងរឿង, អ្នកដែលមានពន្លឺជីវិតត្រចះត្រចង់។
ជុលី CHULY
ក្រពុំម្រាមដៃដែលផ្គំគ្នា សំពះ (សំដៅចំពោះអ្នកដែលអាចផ្សងព្រេងបានគ្រប់ទឹសទាំង១០)។
ជឿន CHOEUN
ជនអ្នកដែលធ្វើឲ្យមានការចម្រើនទៅមុខជាប្រចាំ។
ជេដ្ឋា CHETTHA
អ្នកដែលជាបងគេ មិនដែលធ្វើការងារតូចឡើយ។
ជេតវ័ន CHETVORN
ឈ្មោះវត្តមួយពីសម័យព្រះពុទ្ធ នៅក្រុងសាវត្ថីក្នុងដែនកោសល (គឺជាសទ្ធាជ្រះថ្លារបស់មហាសេដ្ឋី អនាងបិណ្ឌិត ជាវអំពីព្រះរាជកុមារ ជេត កសាងជាអារ៉ាម វេរចំពោះភិក្ខុសង្ឃ មានព្រះពុទ្ធជាប្រធាន)។
ជេតុត្តរ CHETODDOR
ឈ្មោះក្រុងមួយនៅក្នុងរឿង “ព្រះវេស្សន្តរ”។
ជេន CHEN
អ្នកឈ្នះអស់អ្វីៗទាំងឡាយ។
ជោគ CHOK
អ្នកបង្កើតឡើងនូវសេចក្ដីសុខស្រួល។
ជោតិ CHOOT
អ្នកមានសេចក្ដីរុងរឿង។
ជោតិក CHOODEUK
អ្នកដែលមានសេចក្ដីរុងរឿង និងមានទ្រព្យហូរហៀរ។
ជុំ CHUM
អ្នកដែលមិនបោះបង់ចោលនូវញាតិទាំងឡាយ។
ជំនាញ CHUMNEANH
អ្នកពូកែ, ប៉ិនប្រសប់។
ជំនិត CHUMNIT
អ្នកដែលស្និទ្ធស្នាលជាទីទុកចិត្ត។
ជំនោរ CHOMNO
អ្នកកើនជាលំដាប់នូវសេចក្ដីសុខក្សេមក្សាន្ត។

← ង ច ឈ ញ ដ ឋ ឌ ឍ ណ ត →