រំលងទៅមាតិកា

ឈ្មោះកូនខ្មែរ ផ្ដើមដោយ រ ល

ឈ្មោះ ៣១ ផ្ដើមដោយអក្សរ រ ល ព្រមទាំងការសរសេរជាអក្សរឡាតាំង និងអត្ថន័យ។

ឈ្មោះផ្ដើមដោយ រ

រក្ស REAK
នេះបានន័យថា រក្សា។ ខ្មែរមិននិយមប្រើតែឯងទេ ច្រើនបញ្ជូលស័ព្ទជាខាងដើម។ ឧ. ធនាភិរក្ស អ្នករក្សាទ្រព្យសម្បត្តិ, ហិរណ្យានុរក្ស អ្នករក្សាប្រាក់, សច្ចានុរក្ស អ្នកកាន់ពាក្យពិត ឬសត្យានុរក្ស, សិក្ខានុរក្ស អ្នកប្រកាន់យកការសិក្សា។ល។
រក្សា REAKSA
អ្នកប្រកាន់ការការពារ, ចិញ្ចឹមបីបាច់, រក្សាភិបាល។ ហៅឈ្មោះកូន រក្សា ពិតជាពិរោះនឹងពេញទៅដោយសេចក្ដីស្ងប់ស្ងាត់ និងក្លាហាន។
រង្សី REANGSY
អ្នកមានពន្លឺចែងចាំង (អ្នកមានពន្លឺប្រាជ្ញា)។
រចនា RACHANA កូនស្រី
អ្នកដែលគឹធ្វើឲ្យមានរបៀបបែបយ៉ាង, ឬហៅថា ការតាក់តែងវិចិត្រឲ្យចេះរបៀប។ ឈ្មោះកូនស្រីប្រុសបានទាំងអស់។
រជនី RACHEHNY
អ្នកជាទីប្រឹក្សាដ៏ពូកែហើយមិនចេញមុខ, អ្នកឲ្យយោបល់ដ៏ស្មោះត្រង់ ប្រៀបដូចជាព្រះច័ន្ទ និងព្រះអាទិត្យ។
រដ្ឋ ROATH
ជាឈ្មោះមួយដែលគេនិយមប្រើជាទូទៅ សំដៅន័យខុសគ្នា រដ្ឋនៅពីមុខ ឬរដ្ឋនៅពីក្រោយ។ ឧ. ពលរដ្ឋៈ រាស្រ្តប្រជាជនអ្នករស់នៅក្នុងប្រទេស។ រដ្ឋធានី, រដ្ឋធម្មនុញ្ញ, រដ្ឋនាយក។ល។
រណឫទ្ធិ RANARITH
ឫទ្ធិនៃចម្បាំង, អ្នកដែលមានឫទ្ធិក្នុងការចម្បាំង, អ្នកដែលមានអំនាចនៅក្នុងសមរភូមិ, អ្នកមានសេចក្ដីក្លៀវក្លាដោយសម្រែក, អ្នកមានអំនាច (សេចក្ដីសម្រេច) ដោយច្បាំងទ័ព។
រតនៈ RATANAK
អ្នកមានសេចក្ដីរីករាយក្នុងចិត្តជានិច្ច, រតនៈ គឺប្រជុំចេះនូវកែវ, ពេជ្យ, មាស, ប្រាក់, ត្បូងគ្រប់ប្រភេទ។ អ្នកដែលប្រសើរវិសេសជាងអ្នកដទៃ, អ្នកមានលក្ខនៈពិសេសលើសពីគេឯង។
រតនពាណិជ RATANAHPEANICH
អ្នកលក់ពេជ្រ, កែវកង់ គ្រឿងដែលដាំត្បូង។
រតនមាលា RATANAHMEALEA
កម្រងកែវ (ពេជ្រ) ខ្សែខ្លួន ឬខ្សែ ក ដែលដាំពេជ្រ។
រតនរង្សី RATANKHREANGSY
ពន្លឺពេជ្រ, រស្មីពេជ្រ។
រតនា RATANA
ប្រជុំកែវ (រតនៈ) ទាំងឡាយ, ប្រជុំដោយពេជ្រទាំងឡាយ។
រ័ត្នប្រភា RATNBROAPHEA
កែវមានពន្លឺ, ផែនដីមានពន្លឺ។
រមណី RAMANY កូនស្រី
ន័យខ្លី គឺកូនស្រីអ្នកធ្វើបុណ្យ។
រៈវិន្ទ RAHVINT កូនប្រុស
ផ្កាឈូក (ឈ្មោះកូនប្រុស ឬស្រីក៏បានដូចគ្នា)។
រៈវី RAVIH
ព្រះអាទិត្រ។ រវីយាត្រាៈ ដំណើរព្រះអាទិត្រ។
រស ROUS
(រស់) អារម្មណ៍ដែលប៉ះជាមួយជីវ្ហាវិញ្ញាណ (អណ្ដាត)។
រស្មី REAKSMEY
អ្នកដែលមានពន្លឺគយជាទីពេញចិត្ត។
រាជ REACH
អ្នកដែលញ៉ាំងមនុស្សទាំងឡាយឲ្យរីករាយ, អ្នកដែលរុងរឿង វិសេសវិសាល។ រាជភក្ដីៈ អ្នកមានក្ដីស្មោះត្រង់ នឹងព្រះរាជា។
រាត្រី REATREY
គឺពេលយប។ អ្នកដែលមានចិន្តាត្រជាក់ស្ងប់ដូចជាពេលរាត្រីដូច្នោះ។
រាវី REAVY
កុំច្រឡំជាមួយ រ៉ាវី គឹឥតមានដូចគ្នាទេ, រៈវី RAVI. គឺព្រះអាទិត្រ។ រាវី គឺការបញ្ចេញសម្រែកកងរំពង ស្រែកហ៊ោរ។
រាហុ: រាហូ REAHOUL
ក្នុងរឿង (រាមាយណៈ) រាមកេរ្តិ៍មាន អសុរមួយឈ្មោះ រាហុ ជាបុត្ររបស់ វេបចិត្ត អសុរិន្ទ និងនាងសិង្ហិកា មានខ្លួនដាច់ពាក់កណ្ដាល ដោយត្រូវចក្ររបស់វិស្ណុ (នារាយណ៍) ក្នុងកាលដែល (រាហូ) កាឡាខ្លួនជាទេវតាចូលទៅលួចទឹកអម្រឹតផឹក តែមិនស្លាប់។ រាហូ ឈ្មោះដែលគេហៅត្រីឆ្ដោដែលធំអស់អំណត់ហើយ។ នៅតូចគេហៅត្រីដៀប, ធំកណ្ដាលហៅត្រីឆ្ដោ, ដល់ធំអស់ទំហំហើយ ហៅត្រីរាហូ។
រឹទ្ធិ: ឫទ្ធិ RITH
សេចក្ដីសម្រេចការ, សេចក្ដីអស្ចារ្យ, សម្បើម, សេចក្ដីចម្រើន។
រេណូ RENO
លំអង, លម្អិត, កេសរផ្កា។ អ្នកដែលមានសេចក្ដីប្រុងប្រយ័ត្នគ្រប់ជំហាន និងគ្រប់ដង្ហើមចេញចូល។
រេវតី REVATEY
ផ្កាយឫក្សីទី២៧ ក្នុងចំណោមផ្កាយឫក្សទាំង៣២ ដួងប្រជុំគ្នា។
រំចេក ROMCHEK កូនស្រី
ប្រទាលធំ ឫសសំយុងដូចព្យួរ ផ្កាមានដុំលំអងធំៗ ក្នុងស្រទាប់ ក្លិនក្រអូបឆ្អិត, ស្លឹកត្បាញកន្ទេល ឬកន្ត្រកសម្អៀត។ ឈ្មោះកូនស្រី ដែលប្រសប់ធ្វឲ្យគ្រួសារពេញចិត្តជាមួយនាង។
រំដួល ROMDOUL កូនស្រី
ជាឈ្មោះដាក់ឲ្យកូនស្រី (ឈ្មោះផ្កាឈើម៉្យាងមានសណ្ឋានដូផ្ដាក្រវ៉ាន់, ផ្ការំដួលក្រអូបពេលល្ងាចផ្សាយក្លិនឆ្ងាយ)។
រំពឹង ROMPEUNG
អ្នកដែលបានព្រៀងទុក ជាមុនរួចហើយ, ជញ្ជឹងគិតទុក។
រំពៃ ROMPEY
អ្នកដែលមានវិញ្ញាណចងចាំជានិច្ច, អ្នកមានសតិសម្បជញ្ញៈរឭកដឹងខ្លួនជានិច្ច។

ឈ្មោះផ្ដើមដោយ ល

លក្ខណ៍ LEAK
សំដៅលក្ខនៈល្អ ឬអាក្រក់។ មិនសូវមានឈ្មោះមនុស្សប្រុសទេ, ច្រើនតែខាងស្រីហើយសំដៅទៅដល់ស្រីគ្រប់លក្ខណ៍ទៀតផង។
លក្ខណា LEAKHANA
ប្រកកដោយលក្ខណាឥតមានទាស់ គឺមាតា បិតា មិនមានធ្វេសប្រហែសនឹងប្រៀនប្រដៅធីតាលេះដោយលក្ខណៈល្អគ្រប់ដប់។

← ភ ម យ វ →