ឈ្មោះកូនខ្មែរ ផ្ដើមដោយ ស
ឈ្មោះ ១១៥ ផ្ដើមដោយអក្សរ ស ព្រមទាំងការសរសេរជាអក្សរឡាតាំង និងអត្ថន័យ។
ឈ្មោះផ្ដើមដោយ ស
- ស័ក SAK
- កាល, សម័យ ឬយុគ្គៈ។
- សកល: សាកល SAKOL
- ដែលទូទៅ, ទាំងមូល, ទាំងអស់, ទាំងគ្រប់។
- ស័ក្ខនា SAKHANA
- កាំភ្លើងធំ ប្រភេទមួយ សម្រាប់បាញ់ក្នុងព្រះរាជពិធីបញ្ជាន់ត្រស្ដិ ក្នុងវេលាយប់។
- សក្ដា SAKDA
- ដែលមានអំណាច, មានកម្លាំង, មានព្យាយាមរឹងមាំ។
- ស័ក្ដិ SAK
- សេចក្ដីអង់អាចក្លាហាន, ព្យាយាមរ៉ឹងប៉ឹង, ប៉ិនទ្រាំ, អ្នកមានស័ក្តិយស។
- ស័ក្តិសិទ្ធិ SAKSITH
- អ្នកដែលសម្រេចអ្វីមួយបានដោយសារអំណាច។ អ្នកដែលវិសេសវិសាល, ពូកែឆុតឆាប់។
- សគុណ SAKUN
- ដែលប្រកបដោយគុណ, មនុស្សឬអ្វីៗដែលមានគុណបំណាច់។
- ស័ង្ខ SANG
- ខ្យងសមុទ្រមួយបែបមានគូថស្រួច សម្បុរ ស។
- សង្ឃឹម SANGKHOEUM
- អ្នកមាននឹងភ្នកថា ធ្វើអ្វីមួយបានសម្រេចដូចបំណង។
- សង្វាត SANGVAT
- អ្នកខំប្រឹងខ្មីឃ្មាត ស្រវាស្រទេញធ្វើការ។ អ្នកដែលខំប្រឹងព្យាយាមមិនដាច់។
- សង្វារ SANGVAR
- អ្នកដែលមានខ្សែវិចិត្រមួយបែប ពាក់ឆៀងខ្លួនជាគ្រឿងប្រដាប់កាយ។ អ្នកមានគ្រឿងការពាខ្លួនហើយ។
- សត្យា SATYA
- អ្នកមានការពិត, អ្នកទៀងត្រង់។
- សត្រា SATRA
- ជាគ្រឿងសំអាងការពារខ្លួន (គ្រឿងសស្ត្រាវុធ)។
- សត្វា SATVA
- បុរាណច្រើនប្រើសំដៅលើសត្វទាំងឡាយ មានច្រើន ដូចក្នុងពាក្យកាព្យៈ ករវីកសត្វា។ល។
- សទ្ធា SATHEA
- ជំនឿគឺសេចក្ដីជឿ។ អ្នកមានសទ្ធាជឿកម្មជឿផល។
- សន្តាន SANDAN
- ពូជពង្ស, តំណវង្ស។ ចិត្តអធ្យាស្រ័យ។ អ្នកដែលជាសន្តតិវង្ស ព្រៀងលាន។
- សន្តិ SANTIH
- អ្នកមានសេចក្ដីសុខសាន្តត្រាណហើយ។ អ្នកដល់ហើយនូវសេចក្ដីស្ងប់។
- សន្យា SANYA
- អ្នកដែលតែងតែប្ដេជ្ញាចិត្តធ្វើឲ្យបានតាមវាចាដែលបានពោលរួចហើយ។
- សភា SAPHEA
- អ្នកដែលមិនចេះលាក់លៀមនូវរឿងអ្វីចំពោះសង្គមឡើយ (មិត្តដែលមិនចេះទ្រស្ដមិត្តឡើយ = មិនក្បត់)។
- សភាព SAPHEAP
- អ្វីៗដែលកើតឯង គេគឺជាមនុស្សមានសារៈជាតិ ពីធម្មជាតិ មិនមានការធ្វើបន្ថែមឲ្យល្អទៀតទេ គឺល្អព្រមពីធម្មជាតិ ទាំងចរិត, រូបរាង, ចិត្តគំនិត។
- សម SAM
- អ្នកដែលធ្វើអ្វីៗ ក៏អ្នកដទៃពេញចិត្តទាំងអស់, មិនចេះទាស់ចិត្តអ្នកផ្សេងឡើយ ពីព្រោះធ្វើក៏សម (សំ)។
- សម្បត្តិ SAMBAT
- អ្នកដែលបរិបូរណ៌, អ្នកបានសមប្រកប និងគ្រប់គ្រាន់។ អ្នកមានសេចក្ដីសុខដោយសម្បូណ៌ទ្រព្យធន។
- សម្ប័ទ SAMBAT
- មនុស្សអ្នកមានកេរ្តិ៍ឈ្មោះ យសសក្ដិ ទ្រព្យធនព្រោះមានសម្ប័ទ ៣យ៉ាងគឺៈ គុណសម្ប័ទ, ភោគសម្ប័ទ, បរិវារសម្ប័ទ។
- សម្បយុត្ត SAMPAHYUT
- ការដែលគេនាំគ្នាធ្វើដោយស្រេះស្រួលចិត្តនឹងគ្នា, អ្នកដែលស្រឡាញ់ការរួបរួមគ្នាជាធំ។
- សម្បុក SAMBOK
- ន័យជាអត្ថប្បដិរូប គឺសំដៅទៅកូនដែលស្ដាប់បង្គាប់, ទៅលើទ្រនំសុខសាន្ត។
- សម្បុរ SAMBOL
- ន័យចំស្រួលបំផុត គឺពណ៌សម្បុរ, សម្បុរ ស្រអែម, សណ្ដែកបាន, ស។
- សម្បូរ SAMBO
- អ្នកដែលមិនមានខ្វះអ្វីឡើយ។ សម្បូរហូរហៀរ។
- សម្បូរ: សំបួរ SAMBOUR
- អ្នកមានគ្រឿង ៣យ៉ាងជាប់ខ្លូនៈ ១.គ្រឿងការពារកាយ (ធ្វើឲ្យមានមង្គលសិរី)។ ២.ចិន្តាបរិសុទ្ធ, ចិត្ត ស (ធ្វើឲ្យគេទាំងឡាយស្រឡាញ់រាប់អាន)។ ៣.កេរ្តិ៍ឈ្មោះល្អ (ធ្វើឲ្យគេឮរន្ទឺពេញស្រុកថាជាមនុស្សល្អ)។
- សម្បូណ៌ SAMBO
- អ្នកដែលបរិបូណ៌ហូរហៀរ, ច្រើនពាសពេញ។
- សម្ផស្ស SAMPHOS
- អ្នកដែលដល់ព្រម, អ្នកដែលជួបប្រទះនូវអ្វីៗគ្រប់យ៉ាងទាំងក្រៅទាំងក្នុង។
- សម្ពង្ស SAMPONG
- អ្នកដែលរួបរួមត្រកូលគ្នា, អ្នកដែលត្រូវបានគេជ្រើសរើសផ្សំផ្គុំឲ្យជាស្វាមីក្នុងគ្រួសារ (ជាទីគោរពរបស់គេ)។ ជាឈ្មោះក្បួនមួយមើលអំពីគូស្រករ ជាគូគ្នានឹងក្បួនមួយទៀត គឺសម្ភារភ្លឹក គឹហៅរួមគ្នាថា (សម្ពង្សសម្ភារភ្លឹក)។
- សម្រស់ SAMROAS
- អ្នកមានភាពប្រឹមប្រិយល្អះល្អ, អ្នកមានសេចក្ដីស្អាតស្រស់ នឹងឆើតឆាយ។
- សម្រិត SAMRET
- អ្នកដែលមានសេចក្ដីបរិសុទ្ធ, មនុស្សដែលគេសម្រាំងហើយ។
- សម្រួល SAMROUL
- អ្នកដែលជាកណ្ដាលក្នុងការចាត់ចែងការប្រជុំ ឬការដោះស្រាយបញ្ហា ឬវិវាទអ្វីមួយ។
- សម្អែល SAM EL
- ឥរិយាបទដែលអង្គុយសម្រាកយ៉ាងស្រួល។
- សរពេជ្ញ SAHRAHPECH
- អ្នកមានសិរីសួស្ដី, អ្នកដែលធ្វើឲ្យបានសម្រេច ការត្រាស់ដឹងសព្វសារពើ។
- សាគរ SAKOR
- សមុទ្រ។
- សាង SANG
- អ្នកដែលមានគំនិតបែកជាច្រើនចំណែកក្នុងពេលធ្វើអ្វីមួយ។ អ្នកមានការខ្វល់ខ្វាយច្រើនមុខ។
- សាត SAT
- អ្នកដែលមានការជ្រះស្រឡះជាប់ជាប្រចាំ។ មានសេចក្ដីសុខស្រួល។
- សាទិន SATIN
- អ្នកដែលជាទាហានទ័ពសេះផ្នែកចម្បាំង, អ្នកក្លាហានដើរជើង ២រត់ជើង ៤ មិនស្គាល់សេចក្ដីខ្លាចថា យ៉ាងដូចម្ដេងឡើយ។
- សាធ SATH
- អ្នកធ្វើឲ្យសម្រេចប្រយោជន៍។ មនុស្សមិនឈ្នះមិនចាញ់ តែងតែស្មើគ្នាជាមួយគេរហូត។
- សាន្ត SAN
- ជនដែលមានការរក្សាន្តចិត្ត, ក្សេមចិត្ត។
- សាយណ្ហ SAYORN
- តែងតែជាពេលរសៀល។ កូនឈ្មោះនេះតែងតែមានភាពស្មើៗរហូត មិនខ្វល់ពេក មិនរវល់ពេកធម្មតាៗ។
- សាយយុត្ត SAYUTH
- អ្នកមានភាពពេញលេញ ដូចស្រី្ដពេញក្រមុំ។
- សារថី SARATHEY
- អ្នកបង្ហាត់សេះ, អ្នកជំនាញអំពីសត្វសេះ សម្រាប់ឋានៈខ្ពស់។
- សារព័ន SARAPORN
- សព្វគ្រប់គ្រាន់អត់មានខ្វះចន្លោះត្រង់ណាឡើយ។
- សារី SARY
- សម្បូណ៌មានឈ្មោះនេះណាស់ ការពិតជាផ្លែឈើមួយប្រភេទមកពីប្រទេសក្រៅ សម្រាប់ប្រើជាអាហារជម្រះមាត់។
- សាល SAL
- អ្វីៗដែលធំ, សម័យបុរាណគេនិយមហៅចំពោះតែសាលជំនុំធំ “មហាសាល”។
- សាវក: សាវ័ក SAVAK
- មនុស្សដែលស្ដាប់ឱវាទ, អ្នកលុះដៅយដំបូន្មាន។
- សាវត្ថី SAVATHEY
- រាជធានីមួយក្នុងសម័យពុទ្ធកាល។
- សាវយុត្ត SAOYUTH
- មនុស្សដែលត្រូវទទួលនូវបុណ្យពេញលេញវ័យគឺគ្រប់ការ។
- សិក្ខា SEKHA
- អ្នកដែលមានមារយាទល្អ, អ្នកដែលស្រឡាញ់ការសិក្សា។
- សិក្សា SEKSA
- ជាអ្នកដែលសិក្សារៀនសូត្រ, ចូលចិត្តខាងការរៀនហ្វឹកហាត់។ មានមារយាទល្អ។
- សិខា SIKHA
- អ្នកដែលនៅផុតកំពូល ដូចជុកកំប៉ោយ។ ដែលខ្ពស់បំផុតលើសគេ។
- សិខិន SEKHEN
- អ្នកមានជុកលើក្បាល, ជាក្ងោកដែលមានរោមលម្អជាទីពេញចិត្តនៃមនុស្ស។
- សិទ្ធ SETH
- អ្នកដែលសម្រេចហើយ, ដែលស័ក្តិសិទ្ធ។ ឈ្មោះទេវតាពួកមួយអ្នកសម្រេចការ។
- សិទ្ធត្ថ SETHATH
- អ្នកដែលមានប្រយោជន៍ ឬមានបំណងសម្រេចហើយ។
- សិទ្ធិ SETHIH
- អ្នកដែលធ្វើអ្វីសម្រេចតាមអំណាចច្បាប់។
- សិរី SEREY
- ស្រីសិរី, លម្អគួរឲ្យស្រឡាញ់។
- សិលា SELA
- ថ្ម, គុហារក្នុងភ្នំ, សិលាគ្រឹះ, អ្នកមានចិត្តរឹងដូចថ្ម, អ្នកមានទីអង្គុយនឹងដូចថ្ម។
- សិវៈ SEVAH
- ត្រជាក់ត្រជុំ, ដែលរុងរឿងថ្កើនថ្កាន។
- សីហា SEYHA
- អ្នកមានរាសីកំណត់ដោយផ្កាយសិហៈ។ គឺជាអ្នកកើតនៅខែសីហា គឺខែទី៨ (មាន ៣១ថ្ងៃ)។
- សុកុមារ SUKOMAR
- អ្នកដែលកំពុងពេញកំលោះ, កំពុងពេញសុខុមាលភាព។
- សុកុមារី SUKOMAREY
- អ្នកដែលកំពុងពេញក្រមុំ, កំពុងពេញសុខុមាលភាពក្រមុំ។
- សុខ SOK
- អ្នកមានសេចក្ដីសប្បាយក្សេមក្សាន្ត។
- សុខវឌ្ឍនៈ SOKHVATHANAK
- អ្នកដែលចម្រើនដោយ សេចក្ដីសុខ។ សុខសាសន៍ (សំបុត្រប្រាប់ពីសេចក្ដីសុខ)។
- សុខា SOKHA កូនប្រុស
- បុរស, ស្រី្ត ដែលពោរពេញទៅដោយសេចក្ដីស្រណុកក្សេមចិត្ត។ សុខភាព, សុខវឌ្ឍនៈ។
- សុខាសា SOKHASA
- អ្នកមានបំណងឲ្យមានសេចក្ដីសុខតទៅមុខរៀងរហូត។
- សុខុម SOKHOM
- អ្នកជ្រៅជ្រះក្នុងកិច្ចការណានីមួយ, អ្នកមានប្រាជ្ញាពិចារណាយ៉ាងល្អិតជាទីបំផុត។
- សុខោទ័យ SOKHORTEY
- កំណើតនៃសេចក្ដីសុខកើតហើយ, អ្នកជាមេនៃសេចក្ដីសុខលេចមុខមកហើយ។
- សុគន្ធ SUKUN
- អ្នកមានក្លិនក្រអូប, ក្លិនល្អ, គ្រឿងក្រអូប។
- សុគ្រីព SOKRIB
- អ្នកដែលមាន ក មាំល្អ។
- សុចិត្តា SOCHITA
- អ្នកមានចិត្តល្អបរិសុទ្ធ។
- សុចិត្រ SOCHIT
- អ្នកដែលត្រូវបានគេរចនាឲ្យល្អប្រពៃហើយ។
- សុជាតា SOCHEATA
- ជានាមព្រះជាយាម្នាក់របស់ព្រះឥន្ទ។
- សុជាតិ SOCHEAT
- អ្នកដែលកើតមកបានល្អ ដែលដុះដោយល្អ។
- សុទន្ត SOTOAN
- អ្នកដែលត្រូវបានគេទូន្មានបង្ហាត់ហើយដោយប្រពៃ។
- សុទ្ធ SOTH
- អ្នកដែលជ្រះស្អាត ត្រឹមត្រូវហ្មត់ហ្មង។
- សុទ្ធិ SOTHI
- សេចក្ដីពិត, សេចក្ដីបរិសុទ្ធ។
- សុធា SOTHEA
- ទឹកទិព្វ, អាហារទិព្វ, ទឹកដម, ទឹកដមផ្កា។
- សុធារស SOTHEAROUS
- ទឹកដមដ៏មានឱជារស។
- សុធី SOTHY
- អ្នកឈ្លាសវៃ, អ្នកប្រាជ្ញ។
- សុនីតា SONITA
- កញ្ញាដែលមានរបស់ល្អ ប្រៀបដូចជាសួនច្បារមួយដ៏ស្រស់នៅពីមុខគ្រឹះស្ថាន នាឋានដ៏សែនសុខ។
- សុភាព SOPHEAP
- បុគ្គលដែលចេញមកអំពីសភាវៈល្អ, អ្នកទន់ភ្លន់រៀបទាប, ដែលមានឫពារចុះបែបបទ។
- សុមនា SOMANEA
- ម្លិះរួត។ ពាក្យកាព្យៈ សុមនាមានផ្កាក្រអូបឆ្ងាញ់ អ្នកផងស្រឡាញ់ឥតសល់ម្នាក់ បណ្ដែតលើទឹកធាតុត្រជាក់ គួរស័្មគ្រចង់ក្រេបផឹកម្ដងៗ។
- សុមាលី SUMALY កូនស្រី
- ដែលមានកម្រងផ្កាល្អ។ សំដៅចំពោះកូនស្រី។
- សុរក្សា SORAKSA
- អ្នកត្រូវបានរក្សាហើយដោយមាំទាំ។
- សុរភី SURAHPHEY
- ដែលមានក្លិនក្រអូប, គ្រឿងក្រអូប។
- សុរិយា SORYA
- ព្រះសុរិយា, ព្រះអាទិត្រ។
- សុវណ្ណ SOVAN
- មាស (អ្នកដែលដូចមាស)។
- សុវត្ថិ SOVATH
- ការដែលមានសួស្ដី (មានសុវត្ថិភាព)។
- សុវិចិត្រ SOVICHIT
- អ្នកដែលវិចិត្របានល្អហើយ។
- សុវិជ្ជា SOVICHEA
- អ្នកមានចំនេះដែលយោងអាត្មាឲ្យមានទ្រព្យធន។
- សូលី SOLEY
- ព្រះឥសូរ (ព្រះសិវៈ)។
- សួន SOUN
- ភាគ ឬចំណែក។ សមសួន។
- សួគ៌ SOUR
- អ្នកនៅស្ថានទេវលោក។ អ្នករស់នៅស្ថានទិព្វ, ផ្លូវសួគ៌។
- សួគ៌ា SOURKEA
- អ្នកដែលទទួលនូវអានិសង្ស ជាទិព្វ។
- សួស្ដី SOURSDEY
- អ្វីៗប្រព្រឹត្តិទៅស្រួល។ ដំណើរមានជោគជ័យ។
- សេដ្ឋ SETH
- ប្រសើរលើសលន់, អ្នកខ្ពង់ខ្ពស់។
- សេរី SEREY
- អ្នកមានសិទ្ធិអំណាចលើខ្លួន។
- សែន SEN
- ប្រាក់ចំនួនដប់ម៉ឺន (មួយសែន)។ ច្រើនពេកក្រៃ, ក្រៃលែង។
- សោតា SOTA
- ឈ្មោះលោតុត្តរធម៌មួយគូ គឹមគ្គ និងផលជាដើមខ្សែ។
- សោធន SOTHUN
- ការលាងជម្រះ, ការធ្វើឲ្យស្អាតត្រឹមត្រូវ។
- សោភ័ណ SOPHORN
- ល្អហ្មត់ហ្មង, ល្អប្រសើរ។
- សោភា SOPHEA
- ល្អភ្លឺត្រចះត្រចង់។ ពេលខ្លះប្រើយកជាសោភី ឬសោភិនីៈ ស្រី្តល្អ, នាងល្អ។
- សោវ័ណ្ណ SOVORN
- ដែលគេធ្វើហើយអំពីមាស, ដែលវិចិត្រដោយមាស។ អ្នកដែលគេរៀបចំឲ្យថ្លៃថ្លា។
- សៅគុន្ធ SOAKUN
- ក្លិនក្រអូប ក្លាយពីពាក្យ សោគន្ធ សុគន្ធ។
- សៅភា SAOPHEA
- ស្អាតល្អ ក្លាយពីពាក្យ សោភា សុភា។
- សំណព្វ SOMNOB
- កូនដែលជាទីស្រឡាញ់ពេញចិត្ត ឥតមានទាស់អធ្យាស្រ័យ។
- សំណាង SAMNANG
- អ្នកមានភព្វព្រេងអំពីនាយ។
- សំរិទ្ធិ SAMRETH
- ការចម្រើនលូតលាស់។ អ្នកធ្វើឲ្យចម្រើន។ ម៉្យាងទៀតជាន័យដល់លោហៈមួយប្រភេទកើតអំពីការលាយផ្សំលោហជាតិផ្សេងៗ មានដែក, ស្ពាន់ជាដើម កើតទៅជាលោហត្រជាក់ត្រជុំ បានប្រយោជន៍ផ្សេងៗច្រើន។
- សំអាត SAMAT
- មានទាំងប្រុស មានទាំងស្រី។ ពិតមែនគេជាអ្នកស្អាតបាត ហើយរាងរៅគឺស្រឡូន និងនិយមការយល់ដឹងពីខាងក្រៅជាអ្នករួសរាយរាក់ទាក់។
- ស្រស់ SROS
- ដែលមិនទាន់អស់ជាតិទឹក, ដែលភ្លឺថ្លាយង់, ដែលមិនឃើញមានទាស់ភ្នែក។
- ស្រអែម SREAM
- អ្នកមានសម្បុរខ្មៅល្អ, ខ្មៅស្រស់ (គេហៅស្រ្តីជាទីស្រឡាញ់របស់គេថា “ស្រអែមមាសបង”)។
- ស្រេង SRENG
- បើសិននៅក្នុងទឹកដែលត្រជាក់ខ្លាំង ឪពុកខ្ញុំគាត់ថា “ទឹកនេះត្រជាក់ស្រេង”។ មនុស្សត្រជាក់ដល់ឆ្អឹង។